Surrealismoaren gauzak
Gaueko berokia, Elsa Schiaparelli Jean Cocteau-rekin elkarlanean
Miloko Venus tiraderaduna, 1936/1964, Salvador Dalí
Iruzkinak
Itsas izar itxurako paparrekoa, 1950, Salvador Dalí
- Izenburua:
- Itsas izar itxurako paparrekoa, 1950, Salvador Dalí
- Erakusketa:
- Surrealismoaren gauzak
- Gaiak:
- Artea eta ekonomia | Eragin artistikoa | Sorkuntza artistikoa | Bitxi-diseinua | Kontsumoa | Luxua | Natura
- Aipatutako artistak:
- Dalí, Salvador
Salvador Dalí-k luxuzko bitxiak diseinatu zituen, teknika aldetik oso sofistikatuak zirenak. Bitxiak sortzeko gai ugari hartu zituen inspirazio-iturritzat —natura eta erlijiotik zientzia nuklearrera— eta sarri asko elkartu ohi zituen edertasuna eta makabroa zena. Hemen ikusiko dituzu zigarroak erretzeko ahoko bat, azeri baten berna-hezurrez egina eta errubiez josita, aho-forma duen paparreko bat, hortzen ordez perlak dituena, eta bitxiez osatutako itsas izar paparreko bat.
Ghislaine Wood, komisarioaren hitzak:
“Aurrean duzun manikiak daraman paparreko hau bitxigintzan Dalík inoiz egin izan zuen piezarik sofistikatuenetako bat da ziurrenez. Itsas izarraren beso bakoitza artikulatu egiten da eta edozein posizio har dezake. Beraz, besoek literalki imitatzen dituzte hatzak. Izan ere, diseinuaren zirriborroan modelo baten eskuan korapilatuta agertzen da paparrekoa, eskuaren bikoitza balitz bezala.
Ikusten dituzun tximeletak itsas izarretik bana daitezke eta bereizita eraman. Beraz, oso pieza sofistikatua da teknikoki.
Itsas izar hau Rebecca Harkness amerikar aberatsarentzat egin zuen, eta oso modu berezian eraman ohi zuen: bular gainean, hari eutsiz, paparrekoa eramateko moduari itxura erotikoa emanez. Hari ateratako argazki ezagun batzuetan Andy Warhol and Dalí bera ondoan dituela darama paparrekoa jantzita”.