Surrealismoaren gauzak
1938ko martxoko Harper´s Bazaar aldizkariko azala, Cassandre
Kaiola-ohea bionboarekin, Max Ernst
Iruzkinak
Shell gasolinaren publizitate-posterra ("Kazetariek Shell nahiago dute")
- Izenburua:
- Shell gasolinaren publizitate-posterra ("Kazetariek Shell nahiago dute")
- Erakusketa:
- Surrealismoaren gauzak
- Gaiak:
- Artea eta ekonomia | Artea eta paisaia | Eragin artistikoa | Tamaina | Diseinua | Kontsumoa | Publizitatea | Ametsak
- Mugimendu artistikoak:
- Surrealismoa
- Artelan motak:
- Afixa | Obra grafikoa
- Aipatutako artistak:
- Magritte, René | Schleger, Hans | Sutherland, Graham
“Kazetariek Shell nahiago dute” poster hau Hans Schleger-ek Shell gasolinaren publizitatea egiteko 1930eko hamarkadan ateratako iragarki-sorta batekoa da; Surrealismoaren eragina nabarmena da bertan.
Ametsetako eszena bat dirudi, eta motibo surrealista ugari ikus daitezke —bereziki René Magritte-k erabilitakoen antzekoak—. Zeruan ikusten diren benetako hodeiak eta kazetariaren irudimenetik irtendako inspirazio-zatiak bat eginda agertzen dira. Bere buru zatikatua irudi erdi-errealista eta erdi-maskara da, zabalik dituen begi hutsetatik zerua ikusten baita. Eskala-joko bat ere antzeman daiteke: erreparatu arkatz erraldoiari eta irudi txiki horiei. Bestalde, amaierarik gabeko egunkariak, batetik, kazetari bati begira ari garela azaltzen digun gakoa eta, bestetik, zerumugan galtzen den errepide zabal baten ikuspegi erakargarria eskaintzen digu.
Shell konpainiaren kanpainak berritzaileenak izan ziren 1930eko hamarkadan. Euren produktuak —olio-latak edo autoak, adibidez— erakusten zituzten iragarkietatik aldendu ziren eta horren ordez egun bateko ibilaldiak egitera irtendako auto erakargarrien irudiak erabili zituzten. Izan ere, konpainiak abangoardiako artista eta diseinatzaile handiei egin ohi zizkien eskariak. Horien artean, Paul Nash, Ben Nicholson, Edward McKnight-Kauffer eta Graham Sutherland aurki daitezke. Azken honen Shell-entzako posterra, paisaia britainiarraren egitura geologikoen ezaugarri surrealistak jasotzen dituena, ikus dezakezu areto honetan bertan.