Surrealismoaren gauzak
Beistegui-ren apartamentua
Dekalkomania, Óscar Domínguez
Iruzkinak
Peggy Guggenheim-entzako belarritakoak, Yves Tanguy
- Izenburua:
- Peggy Guggenheim-entzako belarritakoak, Yves Tanguy
- Erakusketa:
- Surrealismoaren gauzak
- Gaiak:
- Sorkuntza artistikoa | Forma | Kolorea | Materiala | Bitxi-diseinua | Bigarren Mundu Gerra | Natura | New York | Paris | Peggy Guggenheim
- Mugimendu artistikoak:
- Arte Abstraktua | Arte Garaikidea | Surrealismoa
- Aipatutako artistak:
- Calder, Alexander | Dalí, Salvador | Ernst, Max | Miró, Joan | Tanguy, Yves
Yves Tanguy-k 1938an egin zizkion belarritako hauek Peggy Guggenheim jabegai amerikar eta arte-bildumazaleari. Elkarlanean aritu ziren eta denbora labur batez maitaleak izan ziren Londresen Peggy Guggenheimek zuen galerian Tanguyren koadroak aurkeztu ziren erakusketa bat prestatzen.
Belarritako hauek egiteko paisaia lauso batez inguratutako forma organiko misteriotsuak margotu zituen maskor zatien gainean, zilarrean eta urrean ezarri eta goialdean perla bana gehitu zien. Ziurrenez, Peggy Guggenheimek Sussex-en zuen landetxean egin zituen artistak belarritako hauek, bildumazaleak gerora idatzitakoaren arabera:
“Pozaren pozez nengoen eta ezin nuen belarritakoak lehortu arte itxaron. Hala, bat hondatu nuen azkarregi jarri nuelako. Beraz, bigarren bat margotu zidan. Aurreneko biak arrosa kolorekoak ziren, baina gero egin zidana urdina zen”.
Bigarren Mundu Gerran, arte garaikideko oso bilduma zabala osatu zuen Peggyk. 1940an, ia “koadro bat egunean” erosi zuen Parisen, artistek eta galeriek zituzten lan guztiak saltzen baitzituzten tropa alemanak hirian aurrera egin ahala. 1942an Art of This Century galeria ospetsua zabaldu zuen New Yorken, eta bertan hainbat artista europarren obra jarri zuen ikusgai, besteak beste, Tanguyrena, Max Ernst-ena, Salvador Dalí-ren eta Joan Miró-rena. Galeriaren inaugurazio egunean Tanguyren belarritako hauetako bat zeraman —Alexander Calder-ek egindako beste batekin batera— Peggyren hitzetan, “Surrealismoaren eta arte abstraktuaren artean dudan jarrera inpartziala” erakutsi nahian.