Surrealismoaren gauzak
Hezurdura eta Urratua, Elsa Schiaparelli Dalí-rekin elkarlanean
Itsas izar itxurako paparrekoa, 1950, Salvador Dalí
Iruzkinak
Gaueko berokia, Elsa Schiaparelli Jean Cocteau-rekin elkarlanean
- Izenburua:
- Gaueko berokia, Elsa Schiaparelli Jean Cocteau-rekin elkarlanean
- Erakusketa:
- Surrealismoaren gauzak
- Gaiak:
- Artea eta ekonomia | Eragin artistikoa | Sorkuntza artistikoa | Jantzi-diseinua | Kontsumoa | Luxua | Dualtasuna
- Mugimendu artistikoak:
- Surrealismoa
- Aipatutako artistak:
- Cocteau, Jean | Dalí, Salvador | Schiaparelli, Elsa
Gaueko beroki dotore hau Elsa Schiaparelli-k egin zuen, Jean Cocteau, artista, poeta eta zinema-zuzendari frantsesak sortutako diseinu batean oinarrituta.
Ghislaine Wood entzungo duzu orain:
“Gaueko berokiak bi irudi aditzera ematen dizkigu. Hemen, bi silueta ikusten ditugu aurrez aurre eta aldi berean lorontzi baten forma sortzen dute. Eta lorontzitik ateratzen da larrosa-sorta handi hori. Cocteauk, jakina, oso gogoko zituen irudi bikoitzak. Izan ere, artista surrealista askori, horien artean Salvador Dalíri, gustatzen zitzaien bikoiztasun hori. Askorentzat bikoiztasunak hasiera batean Dalík garatutako “metodo paranoiko-kritikoa” irudikatzen zuen, hau da, gaizki interpretatutako forma batek geure barnean ezkutaturik dauden benetako beste formak azalera ditzakeelaren ideia.
Berokiaren aurrealdeari begiratuta, Schiaparellik askotan erabilitako zerbait ikusiko duzu: botoi zoragarri horiek. Izugarri gustatzen zitzaion hari berokiei osagarri surrealistak gehitzea. Kasu honetan botoian kan-kan dantzari baten hanka ikusiko duzu, baita airean goratuta duen gona ere.
Beroki hau diseinatzaileak Londresen zuen Schiaparelli London dendan erosi zen. Bertan erositakoa dela ziurtatu ahal izan den pieza dokumentatu bakanetako bat da, eta duela gutxi V&A museoak eskuratu du jatorrian erosi zuen familiarengandik. Doris-ek, Castlerosseko Kondesak, garai hartako emakume ospetsuetako eta ikusgarrietako batek, erosi zuen berokia Schiaparelli London-en, eta Cecil Beaton argazkilari ospetsuak argazkiren bat atera zion. Izan ere, Kondesak jantzi ugari erosi zizkion diseinatzaileari. Eta honako hau hots handiko ekitaldi batean baino gehiagotan eramateko beroki dotorea izango zen ziurrenez”.