Surrealismoaren gauzak
Irudiak izarrekin, 1933, Joan Miró
Erabilera anitzeko aulkia, 1942, Frederick Kiesler
Iruzkinak
Hodei-itzurako sofa eta oin-euskarria, 1948, Isamu Noguchi
- Izenburua:
- Hodei-itzurako sofa eta oin-euskarria, 1948, Isamu Noguchi
- Erakusketa:
- Surrealismoaren gauzak
- Gaiak:
- Artea eta identitatea | Eragin artistikoa | Sorkuntza artistikoa | Forma | Altzari-diseinua | Natura
- Aipatutako artistak:
- Noguchi, Isamu
Honako hau Isamu Noguchi-ren Hodei-itxurako sofa eta oin-euskarria da. 1940ko hamarkadaren bukaeran hark sortutako obrak “biomorfoak” ziren —edo “forma askeak”, Amerikan deitzen zitzaien bezala—, naturan inspiratutako forma organikoak, alegia. Noguchik “haitz leun bat” balitz bezala deskribatu zuen sofa hau.
Tom Dixon altzari garaikideko diseinatzailea da, eta asko miresten du Noguchiren obra:
“Ez dago aurretik egindako ezertan oinarrituta, hau da, ez du batere zerikusirik altzarien beste forma batzuekin, eta beharbada, horrexegatik da bizitza-luzerako diseinua. Izan ere, artistak eskulturan izandako esperientzian inspiratutako formek osatzen dute altzari hau. Hala, lotura zuzena nabari da garai hartan lantzen ari zen jolastokien eta harriek hartzen zituzten oinarrizko formen artean; erreka-harrien halako ezaugarri monolitikoa dute, eskulturan egin zituen lanetan jatorria dutenak, inolako zalantzarik gabe.
Garai hartan harridura handia eragin zuten formak izango ziren ziurrenez barne-diseinuan kokatzeko, sofa konbentzional baten antzik ez duelako.
Noguchirentzat hodeiak ziren, eta emandako izena ikusita, forma oso biribila sortzen saiatu zen, begiratu batean oso erosoa dirudiena.
Funtzionaltasuna ez da altzari honen xedea, ez baitirudi sofa honetan jendea formaltasunez eseri ahal izateak artista gehiegi kezkatu zuenik. Sofa hau beste era batzuetara erabil daitekeela dirudi: chaise longue baten antzera, jendea bizkarrez bizkar esertzeko, gainean zabal-zabal etzateko, edo banku baten antzera erabiltzeko. Antza, esertzeko modu berriak, modu “orientalagoak” arakatu nahi izan zituen, artista hau erdi-japoniarra zela kontuan hartuta”.