Surrealismoaren gauzak
Itsas izar itxurako paparrekoa, 1950, Salvador Dalí
Neska kortseduna, Horst
Iruzkinak
Miloko Venus tiraderaduna, 1936/1964, Salvador Dalí
- Izenburua:
- Miloko Venus tiraderaduna, 1936/1964, Salvador Dalí
- Erakusketa:
- Surrealismoaren gauzak
- Gaiak:
- Generoa eta sexualitatea | Artea eta literatura | Artea eta mitologia | Eragin artistikoa | Sorkuntza artistikoa
- Mugimendu artistikoak:
- Surrealismoa
- Artelan motak:
- Eskultura
- Aipatutako artistak:
- Dalí, Salvador
Louvre Museoan dagoen Miloko Venus estatua grekoa munduan den eskultura ikonikoetako bat da. Edertasunaren ideial klasikoa irudikatzen du. Hemen ikusten duzuna Dalí-ren bertsio subertsiboa da: igeltsuzko kopia bat larruzko heldulekuak dituzten tiradera irekiekin. Umetan buztinezko kopia bat egin omen zuen, eta esan zuenez, “plazer erotiko berezia eta atsegingarria” eman omen zion.
Eskultura hau egiteko, bestalde, surrealistek oso gustuko zuten liburu batean oinarritu zen, fama txarreko Venus im Pelz (Larruen Venusa) nobelan, hain zuzen. Gizon baten istorioa kontatzen zaigu bertan: emakume baten “esklabu sexual” bihurtzen da eta bere burua umiliarazteko eta berarekiko jarrera bereziki krudela denean larruz janztea eskatzen dio emakumeari. Pasarteetako batean, marmolezko Venus bat lepahori-larruz bilduta agertzen da. “Masokismo” terminoa Leopold von Sacher-Masoch nobela honen egilearen izenaren ondorioz sortu zen.