Surrealismoaren gauzak
Hodei-itzurako sofa eta oin-euskarria, 1948, Isamu Noguchi
1938ko Erakusketako André Masson-en manikia
Iruzkinak
Erabilera anitzeko aulkia, 1942, Frederick Kiesler
- Izenburua:
- Erabilera anitzeko aulkia, 1942, Frederick Kiesler
- Erakusketa:
- Surrealismoaren gauzak
- Gaiak:
- Artea eta denbora | Sorkuntza artistikoa | Sormena | Forma | Altzari-diseinua | Natura | Peggy Guggenheim
- Aipatutako artistak:
- Kiesler, Frederick
Bi altzari-pieza hauek Frederick Kiesler-ek diseinatu zituen Peggy Guggenheimek New Yorken zuen Art of This Century galeriarako.
Bi forma organiko edo biomorfo hauek 18 modu desberdinetan erabil zitezkeen. Adibidez, Y-formako ‘taburetea’ —jatorriz “Tresna koerrealista” izenekoa— albo batetik zabaldu eta aulki gisa erabil zitekeen, edo etzanda jar zitekeen eskultura baten oinarri izateko.
Hona Tom Dixon altzari diseinatzaileak Kieslerren diseinu funtzional honi buruz dioena:
“Nire ustez, hemen ikusten ari garena orain diseinatzaile askok xedetzat duten zerbaiten erakusgarri da: erabilera anitzekoa izatea, alegia. Harrigarria da hain goiz sortua izana, altzari hau azpikoz gora edo albo batean mahai lagungarri gisa erabil baitzitekeen. Eta harrigarria da baita ere nola lortu ahal izan ziren forma organiko hauek, kontuan hartuta garai hartan altzari bati halako forma emateak, hots, zur zati kurbatu eta konplexu hauek lantzeak, ez zuela batere erraza izan behar.
Pieza hauek ez dute altzariek eduki ohi duten ezaugarri konbentzional bakar bat ere: ez beso-euskarririk, ez taillarik, ez xehetasunik. Ordenagailuz egindako piezak ematen dute, baina estrusio sistemaz egindako formak dira. Gaur egun diseinatzaile asko ari dira halakoekin esperimentatzen baina, jakina, altzari hau ordenagailuak sortu baino 40 urte lehenago egin zen. Eta berria denaren halako inpaktua sorrarazten dute”.