Louise Bourgeois. Izatearen egiturak: Gelak
Gela (Choisy) [Cell (Choisy)]
Mirarien ganbera
Iruzkinak
Aitaren suntsiketa (The Destruction of the Father)
- Izenburua:
- Aitaren suntsiketa (The Destruction of the Father)
- Erakusketa:
- Louise Bourgeois. Izatearen egiturak: Gelak
- Gaiak:
- Artea eta emozioa | Sorkuntza artistikoa | Sentimenduak
- Artelan motak:
- Eskultura | Instalazioa
- Aipatutako artistak:
- Bourgeois, Louise
“Jantokian, mahaia ipinia dago […]. Aitak harrotasunez azaltzen die guztiei zer pertsona garrantzitsua den, gauza zoragarriak egin dituela, jendaila makurtu duela. Egunero, behin eta berriro errepikatzen du erretolika, beti kontu bera; seme-alabei erresumina sorrarazten die. Egun batean haserretzen dira. Tragedia igar daiteke. Gehiegitan errepikatu du erretolika bera”.
Hala kontatzen zuen Bourgeois-ek fantasia bat, eta bukatu ere honela bukatzen zen: seme-alabek aita mahai gainean jarri eta zatikatu ostean, jan egiten dute. Ameskeria hori Aitaren suntsiketa instalazioaren abiapuntua izan zen. Kobazulo ilun batean, koska puztu eta hantura batzuk mahai baten gainean hedatzen bide dira espazioaren erdian, baita sabaian ere. Beste objektu batzuk lurrean geratzen dira sakabanatuak. Gela argi gorriz bustia dago. Eszenak sakrifizio-erritu bat ekartzen du gogora. Aitaren hilketa sinbolikoa hilketa-zeremonia bat bezala egituratzen da.
“Artea egitea estu eta larri esnatzea da: erresumina askatzeko larritasuna da, amorrua”
Bourgeoisek 1974an egin zuen artelan hau, bere etxean. Eskultura-formak bildots-hanken moldeak dira, harakinari erositakoak. Kobazulo gorriak gorputz baten barnealdea ekartzen du gogora, eta artistaren lehenengo instalazio guztiz introspektiboa izan zen.
Artistak komentatu zuenez, artelan hau “batek estres gehiegi jasan eta gehien maite dutenen kontra jotzen duenaren oldarra erabiliz” egin zuen.
“Nire gaia emozioen gordinkeria da, bizi ditugun emozioek suntsiketa ekartzeko duten ahalmena”.