%100 Afrika
Sarrera
Bété alfabetoa. 449 marrazkiko seriea. Egilea: Frédéric Bruly Bouabré (Zéprégüé, Boli Kosta, mendebaldeko Afrika), 1990.
Iruzkinak
Les Femmes surchargées edo Emakume gainzamatuak. Margolanen seriea. Egilea: Pierre Bodo (Mandu, Kongoko Errepublika Demokratikoa). 2005. urtean margotua
- Izenburua:
- Les Femmes surchargées edo Emakume gainzamatuak. Margolanen seriea. Egilea: Pierre Bodo (Mandu, Kongoko Errepublika Demokratikoa). 2005. urtean margotua
- Erakusketa:
- %100 Afrika
- Gaiak:
- Emakumea artean | Sorkuntza artistikoa | Sinbologia | Orrazkerak | Herri-kultura
- Artelan motak:
- Pintura
- Aipatutako artistak:
- Bodo, Pierre
Egilea, Bodo, Mendekoste elizako kidea da, eta munduko ebanjelismoaren artzain suharrenetako bat. Beretzat, aldaketa eragiteko tresna da artea.
«Gainzamaturiko» emakumeen serieak, gizonekin sedukzioaren jokoan ari diren emakumeak aurkezten ditu. Afrikan, orrazkerak emakumearen gizarte-estatusa adierazi ohi du. Orrazkera batzuek, gainera, mezuak adierazten dizkiete gizonezkoei: adibidez, ea emakume ezkondua den, ea senar bila dabilen, edo ea besterik gabe abentura baten bila dabilen. Hemen, buruak adarrez «gainzamatuta» dituzten emakumeak aurkezten ditu Bodok. Haien orrazkera biziek sortzaile gisa irudikatzen dituzte emakumeak: haurrak sortzen dituzte, euren gorputzen «fruituak». Baina, era berean, emakumeen barren‑barreneko jarrera eta pentsamenduak irudikatzen dituzte; margolariak jarrera horietatik askatu nahiko lituzke emakumeak. Adarren gaineko animaliek esanahi sinbolikoak dituzte. Sugea aholkulari txarra eta gezurtia da, eta belarrira hitz egiten dio emakumeari. Txoriak, hegan alde egiten duten pentsamenduak dira. Kameleoia ingurune guztietara egokitzeko gai da, atsegin egiteko asmoz. Saguzarrak gaueko mundua pertsonifikatzen du, emakumeak dirua eskuratu nahian gizonen bat bilatzen duen garaia.
Emakumeek dituzten itxura erakargarriko jarrerekin erlazionatuta daude adarrak. Mehatxuak dira. Margolariak, gero, mezu bat bidaltzen die emakume horiei, pentsamendu gaiztoetatik askatzen laguntzeko, euren bizitzak kontrolatzeko gai izaten laguntzeko, eta euren buruak galbidetik babesten laguntzeko. Emakumeak horrela irudikatuta, Bodo ez da haiek kritikatzen ari. Margolariak emakumeen ohorea eta duintasuna nabarmentzen ditu, giza bizitzaren iturri diren aldetik, eta mundu honetako arriskuez ohartarazten du.