%100 Afrika
Nuit de Noel edo Gabon gaua. Egilea: Malick Sidibé (Soloba, Mali, Afrikako ipar-mendebaldea). Argazkia 1963. urtekoa da
Nora doa mundua? Egilea: Cheri Cherin (Kinshasa, Kongoko Errepublika Demokratikoa, erdialdeko Afrika). 2006. urtean margotua
Iruzkinak
«Robot» eskulturen taldea. Egilea: Demba Camara (Bouake, Boli Kosta). 2006an egina
- Izenburua:
- «Robot» eskulturen taldea. Egilea: Demba Camara (Bouake, Boli Kosta). 2006an egina
- Erakusketa:
- %100 Afrika
- Gaiak:
- Artea eta teknologia | Eragin artistikoa | Ibilbide artistikoa | Sorkuntza artistikoa | Sinbologia | Tradizioa
- Mugimendu artistikoak:
- Arte Garaikidea
- Artelan motak:
- Eskultura
- Aipatutako artistak:
- Camara, Demba
Demba Camara Boli Kostan jaio zen eta guraso ginearrak zituen. Anaia zaharrak irakatsi zion zura zizelkatzen, eta 1990ean hasi zen bere kabuz lan egiten. Gero, eskultore ibiltari gisa lanean aritu zen Afrikako mendebaldeko hainbat herrialdetan, harik eta, 1994an, Abidjanen bizitzen geratzea erabaki zuen arte.
Boli Kostako eskultore tradizionalek bezala, Camarak zeremonietarako eskulturak eskatzen dituzten komunitateetarako egiten du lan, bai eta altzarietarako diseinu edo motibo konplexuak eskatzen dituzten saltzaileentzat ere. Halaber, hoteletarako eta mendebaldeko bezeroentzako ere lanak egiten ditu, hain zuzen ere, giza tamainako eskulturak. Hortaz, bere produktuak askotarikoak dira eta enkargu zehatzei erantzuten diete. Hartara, toki gutxi geratzen zaio benetan lan artistikoak eta pertsonalak garatzeko.
Gaur egun, maskarengatik eta estatuengatik tokian‑tokian ezagunak ziren eskultore askok, Demba Camararentzat egiten dute lan bere estudioan eta bere ikuskaritzapean. Berriki, gaur egungo fetixen gaiari loturiko agindua jasotakoan, Camarak bere irudimena askatu zuen, eta, hori egitean, egiazko artistaren estatusa eskuratu zuen. Gero eta teknologikoagoa den eta robot itxura handiagoa duen mundua interpretatzeko, robot originalen serieak sortu ditu, zientzia fikzioko filmeetan, marrazki bizidunetan, bideo jokoetan eta iragarkietan nahiz liburu espezializatuetan oinarrituta. Robot horiek, mundu osoan ikusi ahal izango direnez, berriro egokitu eta interpretatu ditu artistak. Gizatasunik gabeko izaera futurista zati batean galdu egin dute, plastikoa, beira marmola eta metal gaineztatua zein, oro har, estatua eta fetix tradizionaletarako erabiltzen diren ikur eta sinboloez baliatuz. Fetix horiek gaur egungo kultura sinkretikotik etorri direla ematen du, eta botere handia dutela dirudi. Eta ez dira tokiko gaiak soilik oroitzen, nazioartekoak ere oroitzen dira. Agian, teknologia sofistikatuaren eta zientzia espezializatuaren alternatiba gisa ikusten dira. Izan ere, horiek biak, haientzat ere, guretzat mendebaldean gertatzen den bezalaxe, oraindik ere eskuraezinak dirudite.
Serie ezohiko honek, bere lana museo batean erakusteko lehen aukera eman dio Demba Camarari.