%100 Afrika
Orrazkera saileko argazkiak. Egilea: J.D. ’Okhai Ojeikere (Ojomu Emai, Nigeria, mendebaldeko Afrika). 1971 eta 1975 bitartean eginak
Snapshootafrica. Bideo-instalazioaren egilea: Pascale Marthine Tayou (Yaoundé, Kamerun, mendebaldeko Afrika). 2003-04
Iruzkinak
Margolan-multzoa. Egilea: Pathy Tshindele (Kinshasa, Kongoko Errepublika Demokratikoa, erdialdeko Afrika). 2004. eta 2006. urtekoak
- Izenburua:
- Margolan-multzoa. Egilea: Pathy Tshindele (Kinshasa, Kongoko Errepublika Demokratikoa, erdialdeko Afrika). 2004. eta 2006. urtekoak
- Erakusketa:
- %100 Afrika
- Gaiak:
- Ibilbide artistikoa | Esperimentazio artistikoa | Sorkuntza artistikoa | Herri-kultura | Afrika | Kinshasa
- Mugimendu artistikoak:
- Arte Garaikidea
- Artelan motak:
- Pintura
- Aipatutako artistak:
- Tshindele, Pathy
Kinshasa hiriburuan azken hiru urte hauetan ospea bereganatu duten Kongotar artisten belaunaldi berrikoa da Pathy Tshindele, hogeita hamar urte baino gutxiago dituztenak. Haietako gehienek Arte Ederren Akademian ikasi zuten, baina Tshindelek dio han irakatsi ziotena desikasi egin behar izan zuela bere lan egiteko modu propioa garatu ahal izateko.
Bere lanetarako, Tshindelek hainbat arte-euskarri erabiltzen du, konbinatu egiten ditu. Euskarria aldatzen du, lana errazegi egiten duela sentitzen duen aldiro. Beretzat, mundua zalantzan jartzea da garrantzitsuena.
Zalantzan jartze etengabe horrek eraginda, hainbat artista kiderekin batera, “Kinshasa Wenze Wenze” arte-ekitaldia jarri zuen abian. 2003ko abuztuko arte ekitaldi hartan, suntsitutako autoak berreskuratu zituzten hiri osoan barrena, eta eskultura bihurtu. Parte hartu zuten artista gazteek, horrela, auzitara ekarri nahi izan zituzten hiriaren dekadentzia egoera, eguneroko bizitzako zailtasunak, eta bertako bizilagunen jarrera. Eragin handiko unea izan zen Kinshasan.
Tshindelek, bere mihiseetan, interes berezia eskaintzen dio kin hizkuntzako adierazpenak eta elementuak mailegatzeari. Esaten duenez, egunez egun eratzen ari den hizkuntza idatzigabe horren hiztegia egiten ari da. Dena dela, Tshindelek dio, orobat, arrazari, naziotasunari edo generoari buruzko gaiak ez zaizkiola batere axola, eta munduko biztanletzat duela bere burua.