%100 Afrika
Margolan-multzoa. Egilea: Pathy Tshindele (Kinshasa, Kongoko Errepublika Demokratikoa, erdialdeko Afrika). 2004. eta 2006. urtekoak
Lan-multzoa. Egileak: Paramount Photographers (Nigeria, mendebaldeko Afrika)
Iruzkinak
Snapshootafrica. Bideo-instalazioaren egilea: Pascale Marthine Tayou (Yaoundé, Kamerun, mendebaldeko Afrika). 2003-04
- Izenburua:
- Snapshootafrica. Bideo-instalazioaren egilea: Pascale Marthine Tayou (Yaoundé, Kamerun, mendebaldeko Afrika). 2003-04
- Erakusketa:
- %100 Afrika
- Gaiak:
- Bildumagintza | Sorkuntza artistikoa | Materiala | Erakusketak | Afrika | Jean Pigozzi
- Mugimendu artistikoak:
- Arte Garaikidea
- Teknikak:
- Marrazkia
- Artelan motak:
- Bideoinstalazioa | Instalazioa | Kokapen zehatzerako artea
- Aipatutako artistak:
- Tayou, Pascale Marthine
Lan hau hamar zatiz osatuta dago, eta hainbat pantaila lautan erakusten dira; denak hemen daude ikusgai. Hasiera batean, Contemporary African Art Collection-ek enkargatua izan zen, Houstongo Arte Ederren Museoan 2005ean egin zen erakusketarako.
Hainbat teknika desberdinekin egiten du lan Tayou-k, eta zaila da sailkatzea. Bere lanaren oinarria premisa hauxe da: artea ezin da bizitzatik banatu. Toki jakinerako instalazioak egiten ditu, bai eta edozein motatako materiala, objektuak eta irudiak birziklatu ere, munduan zehar jendearen joan‑etorri etengabeak grabatuz. Tayouk «guztion arteko lantzat» jotzen ditu bere instalazioak. Erreparatzen dituen gauzen emaitza da, baita eguneroko bizitzan gertatzen zaizkion gauzena ere, edota bidaia, topaketa, energia, zortea eta bat‑batekotasunaren bateratzea. Honako hau esan du:
“Besteentzat uzten dut dena esateko aukera. Niretzat, artea komunikazio bektore soila da”.
Hemen, pantaila lauetan agertzen diren irudien erritmo askeek zerikusia dute Tayouren lehenagoko marrazkiekin. 1995ean Karl Marx-en Das Kapitalen oinarritutako hainbat zirriborro sortu zituen. Zirriborroak oso azkar egin zituen, mugimendu libreekin, geratu, pentsatu edo atzera begiratu gabe. Behin bukatuta zuenean bakarrik ikus zezakeen dena osotasunean. Bideoan grabatu zituen irudiak ere, batzuk ezustean hartutakoak eta besteak nahita egindakoak dira. Hamar pantailak osotasunean hartuta, deabruari eta denontzako berbera den munduaren graziari botatako begirada sakona eskaintzen dute.