%100 Afrika
Bété alfabetoa. 449 marrazkiko seriea. Egilea: Frédéric Bruly Bouabré (Zéprégüé, Boli Kosta, mendebaldeko Afrika), 1990.
Eskultura-multzoa. Egilea: Efiaimbelo (Androka, Madagaskar, Afrikako hego-ekialdeko kostaldean). 1991 eta 2000 bitarte
Iruzkinak
Titulurik gabea. Terrakotazko irudiak. Egilea: Seni Awa Camara (Bignona, Senegal, mendebaldeko Afrika). 1988 eta 2006 bitartean egina
- Izenburua:
- Titulurik gabea. Terrakotazko irudiak. Egilea: Seni Awa Camara (Bignona, Senegal, mendebaldeko Afrika). 1988 eta 2006 bitartean egina
- Erakusketa:
- %100 Afrika
- Gaiak:
- Gizakia | Artea eta gizartea | Sorkuntza artistikoa | Lan-prozesua | Materiala | Tamaina | Afrika
- Mugimendu artistikoak:
- Arte Garaikidea
- Artelan motak:
- Eskultura
- Aipatutako artistak:
- Camara, Seni Awa
Amak hezi zuen Camara. Ama ere buztingilea zen, eta hark erakutsi zion eskulturak egiten, haurtzaroan. Munduari eta bere hurbilenekoei —gurasoei, lagunei, adiskideei eta haurrei— egindako behaketaren emaitza da bere lana. Baina, era berean, ametsen, agerkundeen eta fantasien ondorio ere bada. Camararen ustez, Deabrua beti presente dagoen indar bat da, beti hurbiletik zelatan duguna. Bere irudi askok munstro aurpegi desitxuratuak dituzte. Hala ere, bada hor, orobat, familia-zentzu indartsu bat; adibidez, ama haurdun bati helduta ageri diren berrogei munstro txikiak. Camararentzat, bere irudiek mundua irudikatzen dute, berak ikusten duen eran, jende zintzoarekin, gaiztoarekin edo itsusiekin.
Bere etxearen aurrealdeko lorategian egiten ditu izaki horiek, buztina bere eskuekin modelatuz. Buztina gogortutakoan, buztinak sutan berotzen ditu, labe ireki batean, hau da, lorategian egindako zulo handi batean. Egurrez egindako sutan egosten ditu, tenperatura baxuan. Erabat egositakoan, esmaltatu eta margotu gabe jartzen ditu ikusgai. Marmol-kolore hori garrek ematen diete.
Camarak berak eginiko hainbat eskultura bildu ditu etxean, tamainaren arabera antolatuta. Batzuk, ez dira portzelanazko panpina baino handiagoak; beste batzuk irudi luze‑luzeak dira, bi metro eta erdiko luzerakoak. Bata bestearen ondoan, agertokirik gabeko antzokia dirudite.
Camararen lana oso ezaguna da eskualde hartan. Hango azokan ere erakusten ditu bere eskulturak, fruituen eta barazkien artean.