%100 Afrika
Auto-txapelduna. Egilea: George Lilanga (Kikwetu, Tanzania, ekialdeko Afrika). 2000. urtean margotua
Baimen-eguna eta Janzkera. Egilea: Richard Onyango (Kisii, Kenia, ekialdeko Afrika). Margolan biak 1990. urtean margotuak
Iruzkinak
Estralurtarren piztea. Egilea: Abu Bakarr Mansaray (Tongo, Sierra Leona, mendebaldeko Afrika). Zirriborroa 2004. urtekoa da
- Izenburua:
- Estralurtarren piztea. Egilea: Abu Bakarr Mansaray (Tongo, Sierra Leona, mendebaldeko Afrika). Zirriborroa 2004. urtekoa da
- Erakusketa:
- %100 Afrika
- Gaiak:
- Artea eta teknologia | Artea eta zientzia | Eragin artistikoa | Sorkuntza artistikoa | Sierra Leonako Gerra Zibila | Afrika
- Mugimendu artistikoak:
- Arte Garaikidea
- Teknikak:
- Marrazkia
- Aipatutako artistak:
- Mansaray, Abu Bakarr
1987an eskola utzi ondoren, Mansaray-k Freetownen —Sierra Leonako hiriburuan— finkatu zuen bizilekua. Han, bere kabuz gogotsu ikasten jarraitu zuen, zientzia eta ingeniaritza praktikoari buruzko gai guztiak landuz. Artista honek, bereziki Afrika erdialdean ospetsua den teknika berpiztu zuen: burdinez eta burdin hariz objektu apaingarriak eta jostailuak egiten hasi zen. Horrez gain, teknika hori moldatu egin zuen etorkizuneko makinak sortzeko asmoz —sua, argia, airea, ura, hotza, mugimendua eta soinua sortzeko tresnak, esaterako—. Honako hau makina ezin hobe horietako baten zirriborroa da, bolalumaz eta arkatzez egina. Orriaren gainaldea hainbat zirriborroaren eta marrazkiren inguruan egindako kalkulu eta azalpenez josia dago. Mota horretako lanak artelan independentetzat hartzen dira; Leonardo da Vinci-ren koadernoak dakarzkigute gogora, hark ere garai hartan ezinezkoak ziruditen makinak sortzea amesten baitzuen. Mansarayk honako hau dio:
“Marrazki arraro eta konplikatuak egitea gustatzen zait, bai eta makina konplexuak diseinatzea ere; eta hau dena, maiz gizakiaren irudimenetik haratago doazen ideia zientifikoetan inspiratuta (adibidez, diseinatu nituen makina hauek: Infernu itzalgailua eta Infernuan aurkitutako telefono nuklearra). Jendeak sorkuntzaren indarra sentitzea nahi dut”.
Diseinu hauetan badago elementu jostagarririk; baina Mansarayren esanetan, “mendebaldeko asmatzaileei eta Afrikako etorkizun teknologikoan sinesten ez dutenei” zuzendutako erronka ere ikus daiteke diseinuotan.
Sierra Leona Afrika mendebaldeko herrialderik txiroenetakoa da, eta gerrak suntsitua dago. Zalantzarik gabe, hango egoera ekonomikoak, politikoak eta sozialak eragina izan du Mansarayren irudimenean. 1998an, egoera zaila jasaten ari zen sorterritik ihes egitea lortu zuen; hala ere, bere lanetan nabaria da gerraren lekukotza