%100 Afrika
Pintura-multzoa. Egilea: Moke (Ibe, Kongoko Errepublika Demokratikoa, erdialdeko Afrika). 1998 eta 2001 bitartean eginak
Orrazkera saileko argazkiak. Egilea: J.D. ’Okhai Ojeikere (Ojomu Emai, Nigeria, mendebaldeko Afrika). 1971 eta 1975 bitartean eginak
Iruzkinak
Izarretako hiria. Egilea: Rigobert Nimi (Tshiela, Kongoko Errepublika Demokratikoa, erdialdeko Afrika). 2006
- Izenburua:
- Izarretako hiria. Egilea: Rigobert Nimi (Tshiela, Kongoko Errepublika Demokratikoa, erdialdeko Afrika). 2006
- Erakusketa:
- %100 Afrika
- Gaiak:
- Artea eta teknologia | Sorkuntza artistikoa | Materiala | Afrika | Zientzia eta Teknologia
- Mugimendu artistikoak:
- Arte Garaikidea
- Artelan motak:
- Eskultura
- Aipatutako artistak:
- Nimi, Rigobert
Nimi-ren makina harrigarriak Kongoko hiriburu den Kinshasa hiriko pobreziatik nabarmentzen dira. Artearen bidez mundua hobetzea du helburu. Entzun ditzagun artistaren beraren hitzak:
“Makina hauek zorroztasunez eta zehaztasunez asmatu eta egitea, nire ametsak errealitate konkretu bihurtzea da, eguneroko bizitza eta zailtasunak ahaztea. Adoreari esker lortu dut, batik bat, arrakasta. Artista gazteak baliabide ezezaguna dira. Gu adoretzen eta laguntzen aritu behar luketenek ez gaituzte balioesten”.
Marrazki bizidunek eta zientzia fikzioko filmek eskaini zioten inspirazioa hasieran Nimiri. 2000. urteaz geroztik, Nimik hainbat espazio-ontzi eta robot-faktoria nahaspilatsu egin du. Kinshasan aurkitutako material birziklatuak erabiliz, bere eskuekin ebakitzen, moldeatzen eta eraldatzen du, bost tresna bakarrik erabilita: guraize pare bat, aizto pertsonalizatu bat, aliketa unibertsalak, mutur okertuko aliketak eta erregela bat. Monumentuzko lan horietako bakoitza burutzeko, hamabost hilabete behar ditu. Hemen ikusten duzun lan hau erakusketa honetarako sortu zuen bereziki.
Mundua harrituko duten ohiz kanpoko lanak sortzea helburu duen bilatzailetzat definitzen du bere burua Nimik. Hauxe idatzi zion André Magnin kontserbatzaileari:
“Norberaren ametsak betetzeko, pazientzia eta jarraikitasuna behar dira. Orain ekoizten ari naizen honek istorio luzea du, egiaz… Beharrezkoa izan da zuek ni aurkitzea eta zuek nire talentua aintzat hartzea, nik azkenean neure buruan nuen guztian sinesteko aukera izan nezan”.