%100 Afrika
Lan-multzoa. Egileak: Paramount Photographers (Nigeria, mendebaldeko Afrika)
Iruzkinak
Landa-bizikleta eta Aviao da nova era (edo Aro berriko hegazkina). Egilea: Titos Mabota (Maputo, Mozambike, Afrikako hego-ekialdea). 2004. eta 1998. urtekoak
- Izenburua:
- Landa-bizikleta eta Aviao da nova era (edo Aro berriko hegazkina). Egilea: Titos Mabota (Maputo, Mozambike, Afrikako hego-ekialdea). 2004. eta 1998. urtekoak
- Erakusketa:
- %100 Afrika
- Gaiak:
- Artearen demokratizazioa | Eragin artistikoa | Sorkuntza artistikoa | Lan-prozesua | Materiala | Sinbologia | Mozambikeko Gerra Zibila | Afrika
- Mugimendu artistikoak:
- Arte Garaikidea
- Artelan motak:
- Eskultura
- Aipatutako artistak:
- Mabota, Titos
1993. urteko gerra zibila bukatu zenetik, Mozambikeko artisten belaunaldi gaztearen artean sormen eztanda egon da. Gerra-sasoian jaio ziren artista askok, iritsi berriak ziren bake eta askatasunean sortu zuten arte eszena berrira. Haien lanak eguneroko bizitzaren espiritua eta bizitako traumaren aitorpena bateratzen ditu.
Jainkoaren, deabruaren eta egiaren ideiak beti agertzen dira Mabota-ren lanean. Bere ustetan, arteak bizitza aldatu behar du: beraz, denok erraz eskuratzeko moduan egon behar du.
Hegazkina, gerrako testuingurutik datorren gaia, txori bihurtzen da, eta horrenbestez, bakearen ikur; horrela, herrialdea jasan duen isolatzetik irteten dela ematen du aditzera. Aurkitutako objektuak diruditen elementuez dago osatuta, baina objektuok kontu handiz aukeratuak, landuak, muntatuak, margotuak eta apainduak izan dira. Hegazkina –hasieran objektu funtzionala zena‑ eraldatu eta artelan oso bilakatu da.
Bizikleta lehen aldiz dago hemen ikusgai. Urte askotan zehar landua izan da, eta Mabotak urruneko eskualde batetik ekarritako sokaz eta zurez soilik dago egina. Bi tokiren arteko «distantzia» erakutsi nahi du: alde batetik bere bizitoki den Maputo hiriburua, eta bestetik energiarik gabe dauden eta bizikleta garraiobide bakartzat duten landa‑eremu handiak. Omenaldia egin nahi die landa-munduari, toki ireki handiei, eta orain azaleratzen ari den herrialde zoragarri honek daukan aberastasunari.