%100 Afrika
Izarretako hiria. Egilea: Rigobert Nimi (Tshiela, Kongoko Errepublika Demokratikoa, erdialdeko Afrika). 2006
Margolan-multzoa. Egilea: Pathy Tshindele (Kinshasa, Kongoko Errepublika Demokratikoa, erdialdeko Afrika). 2004. eta 2006. urtekoak
Iruzkinak
Orrazkera saileko argazkiak. Egilea: J.D. ’Okhai Ojeikere (Ojomu Emai, Nigeria, mendebaldeko Afrika). 1971 eta 1975 bitartean eginak
- Izenburua:
- Orrazkera saileko argazkiak. Egilea: J.D. ’Okhai Ojeikere (Ojomu Emai, Nigeria, mendebaldeko Afrika). 1971 eta 1975 bitartean eginak
- Erakusketa:
- %100 Afrika
- Gaiak:
- Artea eta denbora | Sorkuntza artistikoa | Edertasuna | Orrazkerak | Herri-kultura | Afrika | Nigeria
- Mugimendu artistikoak:
- Arte Garaikidea
- Artelan motak:
- Argazkia
- Aipatutako artistak:
- J.D. 'Okhai Ojeikere,
Ojeikere-k orrazkeren argazkiak ateratzen ditu egunero kalean, bulegoetan eta jaietan. Sistematikoki jasotzen du gizabanako bakoitzaren irudia: atzealdetik, batzuetan profilez, eta zenbaitetan aurrealdetik. Atzealdetik egindakoak ia abstraktuak dira, eta horiexek erakusten dute ondoen orrazkeren eskultura alderdia. Hori garrantzitsua da Ojeikererentzat:
“‘Ilearen artista’ bat bere mugimendu zehatzak egiten ikustea, eskultura egiten ari den artista izango bailitzan, liluragarria da. Orrazkerak arte-adierazpidea dira”.
Argazki hauek oraintxe abian dagoen proiektu baten parte dira: Ojeikereren Orrazkera seriea ia mila argazkik eratzen dute. Artistarentzat, amaierarik gabeko dema da, orrazkerak modaren arabera bilakatuz baitoaz. Entzun ditzagun artistaren beraren hitzak:
“Orrazkera hauek guztiak iragankorrak dira. Nire argazkiak orrazkera horien aztarna nabarmenak izatea nahi dut. Beti nahi izan ditut jasota utzi edertasun-uneak, jakituria-uneak. Artea bizitza da. Arterik gabe, bizitza izoztuta legoke”.
Orrazkera seriea proiektu zabalago baten zatirik handiena eta osatuena da: izan ere, Nigeriako kulturari buruzko artxiboa egiteko asmoa du Ojeikerek. 1960ko hamarkadaren bukaeran ekin zion proiektuari Ojeikerek, Nigeriako Arte-Batzordearentzat lanean ari zela. Langintza aparta da: Bere belaunaldiko argazkilari gehienek enkarguz baizik ez zuten lan egiten; eta proiektu hau inolako euskarri komertzialik gabe atera zen aurrera. Orain milaka argazkik osatzen dute, eta antropologiako, etnografiako eta dokumentuzko altxor nazional bihurtu da.