%100 Afrika
J’aime la couleur edo Kolorea gustatzen zait. Egilea: Chéri Samba (Kinto M’Vuila, Kongoko Errepublika Demokratikoa, erdialdeko Afrika). 2003. urtean margotua
«Robot» eskulturen taldea. Egilea: Demba Camara (Bouake, Boli Kosta). 2006an egina
Iruzkinak
Nuit de Noel edo Gabon gaua. Egilea: Malick Sidibé (Soloba, Mali, Afrikako ipar-mendebaldea). Argazkia 1963. urtekoa da
- Izenburua:
- Nuit de Noel edo Gabon gaua. Egilea: Malick Sidibé (Soloba, Mali, Afrikako ipar-mendebaldea). Argazkia 1963. urtekoa da
- Erakusketa:
- %100 Afrika
- Gaiak:
- Artea eta gizartea | Sorkuntza artistikoa | Dantza | Afrika | Bamako | Alaitasuna
- Mugimendu artistikoak:
- Arte Garaikidea
- Artelan motak:
- Argazkia
- Aipatutako artistak:
- Sidibé, Malick
Argazki honek, inguruan ikusgai daudenek bezala, Bamako hiriko bizimodua deskribatzen du, aldaketa-garai batean. Malik 1960an lortu zuen Frantziagatiko independentzia; baina, Sidibek dioen bezala, argazkiek beste mota bateko independentzia ere erakusten dute. 50‑60ko hamarkadetan, Bamako hiriburuak izugarrizko populazio hazkundea eta hedapen ekonomikoa jasan zuen. Luxuzko dendak ireki ziren. Jende gaztea askatasun berria sentitzen hasi zen. Jokabide kode tradizional eta zorrotzak, gizon eta emakume gazteen arteko harremanak eragotzi zituztenak, malguago bilakatzen hasi ziren. Jendea mendebaldeko arropak janzten hasi zen, eta Europako eta Amerikako musika eta dantzak ezagutu zituzten. Sidibék Niger ibaiaren ertzean egiten ziren festen argazkiak atera zituen; festa haietan gazteak dantzan aritzen ziren egunsentira arte. Bat‑bateko eta egiazko irudi hauek ondo erakusten dute garai hartako askatasuna eta kitzikapena, 50‑60ko hamarkadetako dokumentu eta oroitzapen paregabeak direlarik. Sidibék berak, argazki hauei buruz zera esan du:
“Musika eta giro atsegina zegoen beti; ez zegoen tristuraren arrastorik ere. Jendeari ilea txukundu eta egoki jartzeaz arduratu behar ez nuenez, poza adierazten zuten berezko irudiak sortzeko gai nintzen… Batzuetan pentsatzen dut gaztaroa, dantza eta alaitasuna direla bizitzan benetan axola duena. Ez duzu hala uste? Horren ondoren, dena doa maldan behera. Eta garai haiek bene‑benetan zoriontsuak ziren”.