%100 Afrika
Hiru eskultura. Egilea: John Goba (Mattru Jong, Sierra Leona, mendebaldeko Afrika). 1992, 1996 eta 1999 urteetan eginak
Pintura-multzoa. Egilea: Moke (Ibe, Kongoko Errepublika Demokratikoa, erdialdeko Afrika). 1998 eta 2001 bitartean eginak
Iruzkinak
Titulurik gabea. Autoaren irudia. Egilea: Esther Mahlangu (Middeleburg, Hego Afrika). 2005
- Izenburua:
- Titulurik gabea. Autoaren irudia. Egilea: Esther Mahlangu (Middeleburg, Hego Afrika). 2005
- Erakusketa:
- %100 Afrika
- Gaiak:
- Emakumea artean | Sorkuntza artistikoa | Kolorea | Sinbologia | Erakusketak | Herri-kultura | Afrika | Tradizioa
- Mugimendu artistikoak:
- Arte Garaikidea
- Artelan motak:
- Horma-pintura | Kokapen zehatzerako artea | Pintura
- Aipatutako artistak:
- Mahlangu, Esther
Mahlangu Ndebele komunitateko kide da. Ndebele tribuak mendeetan zehar gorde ditu tradizio zaharrak. Gizarte patriarkala izanik ere, arte-ondarea ametatik alabetara igarotzen da. Emakume gazteak nerabezarora iristen direnean, gizonezkoen gizartetik urruntzen dira hiru hilabetez eta aleekin zeremonietarako diseinuetarako lanak egiten ikasten dute Ndebele eran. Hemeretzigarren mendean, tradizio hori pintura apaingarrietara ere hedatu zen; hori ere, Ndebele emakumeek baino ez zuten lantzen.
Esther Mahlanguri amak eta amonak irakatsi zioten pintatzen, eta, bere hitzetan, harrez gero lanpetuta egon izan da beti pintatzen. Bere horma-irudietan Ndebele tradizioa erakusten da. Aurrez neurtu edo zirriborrorik egin gabe marrazten du. Kontraste handiko pintura plastiko argitsuak aukeratzen ditu, eta horiek bizitasun handia ematen diote bere lanari. Begiratu bakarrean, konposizioek erabat abstraktuak diruditen arren, ikurren eta sinboloen asmamen handiko sisteman oinarriturik eraikita daude. Mahlangu horma-irudiak mihiseetara eraman dituen lehen Ndebele artista izan da, eta, kasu honetan, bere artea are urrunago eraman du berriro ere. Bere artearen ohiturak munduari erakutsi dizkio: 1989an Parisko Magiciens de la Terre erakusketarako horma-irudiak sortu zituen, eta mandatuak hartu ditu eraikuntza publikoetarako, museoetarako eta enpresa pribatuetarako. Berari esker, Ndebele artea mundu guztian ezagutu da.