%100 Afrika
Estralurtarren piztea. Egilea: Abu Bakarr Mansaray (Tongo, Sierra Leona, mendebaldeko Afrika). Zirriborroa 2004. urtekoa da
J’aime la couleur edo Kolorea gustatzen zait. Egilea: Chéri Samba (Kinto M’Vuila, Kongoko Errepublika Demokratikoa, erdialdeko Afrika). 2003. urtean margotua
Iruzkinak
Baimen-eguna eta Janzkera. Egilea: Richard Onyango (Kisii, Kenia, ekialdeko Afrika). Margolan biak 1990. urtean margotuak
- Izenburua:
- Baimen-eguna eta Janzkera. Egilea: Richard Onyango (Kisii, Kenia, ekialdeko Afrika). Margolan biak 1990. urtean margotuak
- Erakusketa:
- %100 Afrika
- Gaiak:
- Emakumea artean | Giza harremanak | Sorkuntza artistikoa | Eszena-generoa | Afrika
- Mugimendu artistikoak:
- Arte Figuratiboa | Arte Garaikidea
- Artelan motak:
- Pintura
- Aipatutako artistak:
- Onyango, Richard
Beste hainbat afrikar artista garaikiderenak bezala, Oyango-ren lanak ere erraz «irakurri» eta ulertzekoak dira ikuslearentzat. Oyangoren ustez, margotzea zuzenean komunikatzeko tresna da; beraz, argitasuna zeharo garrantzitsua da. Haurtzaroan hasi zen ikusten zuen guztia grabatzen, eta egiten zituen zirriborroei «argazki-irudiak» izena eman zien. Berak azaltzen duenez:
“Gauzak buruan behar bezala gordetzeko marraztu beharra nuen, ez baineukan kamerarik memorian sartu nahi nuena grabatzeko”.
Gaur egun, oraindik, bere margolanetan agerikoa da ikusten duena zuzenean grabatzeko sen hori. Baina bere lanek badute nolabaiteko antzerki izaera ere, ikuslea oraindik gehiago erakartzen duena. Bi margolan hauek [Baimen-eguna eta Janzkera] tentsio psikologikoaren sentipen gogorra sortzen dute. Ikusleak ia margolan barruan sartuta dagoelako sentipena dauka. Onyangok Drosie izeneko emakume zuri bat ezagutu zuen Nairobin; harekin izandako harremanari eskaini dizkio margolanak Onyangok. Irudi gazte eta liluragarri hau benetako edo balizko egoeretan irudikatuta agertzen da. Bera da eszenetako pertsonaia nagusia, eta eszenok Afrikak mendebalderantz proiektatzen dituen ametsetako batzuk aztertzen dituzte: esate baterako, Onyangok sexu-irudiak erabiliz adierazten dituen mendetasunari eta nagusigoari lotutako gaiak; edota aberastasunaren eta luxuaren ideietatik sortzen den lilura, tentu handiz aukeratutako apaingarri eta altzarien bidez adierazten duena. Horiek bezalako irudi biziak erabiliz, Onyangok estereotipoak indargabetzea lortu du, eta berezko duten indarkeria kendu die.