%100 Afrika
Baimen-eguna eta Janzkera. Egilea: Richard Onyango (Kisii, Kenia, ekialdeko Afrika). Margolan biak 1990. urtean margotuak
Nuit de Noel edo Gabon gaua. Egilea: Malick Sidibé (Soloba, Mali, Afrikako ipar-mendebaldea). Argazkia 1963. urtekoa da
Iruzkinak
J’aime la couleur edo Kolorea gustatzen zait. Egilea: Chéri Samba (Kinto M’Vuila, Kongoko Errepublika Demokratikoa, erdialdeko Afrika). 2003. urtean margotua
- Izenburua:
- J’aime la couleur edo Kolorea gustatzen zait. Egilea: Chéri Samba (Kinto M’Vuila, Kongoko Errepublika Demokratikoa, erdialdeko Afrika). 2003. urtean margotua
- Erakusketa:
- %100 Afrika
- Gaiak:
- Eragin artistikoa | Ibilbide artistikoa | Sorkuntza artistikoa | Kolorea | Erretratua eta autorretratua | Afrika
- Mugimendu artistikoak:
- Arte Garaikidea
- Artelan motak:
- Pintura
- Aipatutako artistak:
- Samba, Chéri
1972an eskola utzi zuen, Kinshasan —Kongoko Errepublika Demokratikoko hiriburuan— zeinu‑margolari talde baten aprendiz gisa aritzeko. 1975ean bere margolanak egiten hasi zen; hasieran eskutrapuak erabiltzen zituen, mihisea garestiegia zen eta. Hasierako margolanetan, panelak eta komiki-zerrendak margotzerakoan jarraitzen ziren jarraibideez baliatu zen. Esate baterako, komikietan erabiltzen diren «bunbuiloak» erabili zituen, eta honek aukera eman zion bere lanetan narrazioak eta azalpenak, biak sartzeko. 80ko hamarkadan bere margolanak «Chéri Samba: Artiste Populaire» —hau da, Chéri Samba: Artista Herrikoia— izenarekin sinatzen hasi zen. Eta haren lanen ospea laster zabaldu zen Kinshasa hiriko mugetatik kanpora: 80ko hamarkadaren erdirako bere lana nazioartean ospea hartzen hasia zen.
Azken margolanetan, ikusgai dagoen honetan, besteak beste, bere aurpegia erabiltzen du gai gisa. Lan honetan, buruak eta sorbaldek espiral bat sortzen dute, sagarraren azal zurituak egiten duen moduan; tarteetatik zerua ikus daiteke. Hortzekin ttanttaka ari den pintzela eusten du. Pintzelaren ertz batean dagoen objektu naturalekin egindako paletak oreka egiten du. Lanaren izena J’aime la couleur edo Kolorea gustatzen zait da. Sambak zera dio margolanari buruz:
“Kolorea leku guztietan dago. Niretzat, kolorea bizitza da. Geure buruek jirabira batzuk egin beharko lituzkete, espiral batean egongo balira bezala; horrela, inguruan daukagun guztia kolorea baino ez dela ohartuko ginateke. Beraz, nik ‘Kolorea gustatzen zait’ esaten dut, ‘Margotzea gustatzen zait’ esan ordez. Kolorea unibertsoa da, unibertsoa bizitza da, margotzea bizitza da”.