Kunsthalle Bremenen bildumako maisulanak: Delacroix-etik Beckmann-era
Kunsthalle Bremenen historia
Emakume gaztea (Melankolia), Théodore Chassériau, c. 1833/35
Iruzkinak
Paisaia Pontoise-tik gertu, Charles-François Daubigny, 1886
- Izenburua:
- Paisaia Pontoise-tik gertu, Charles-François Daubigny, 1886
- Erakusketa:
- Kunsthalle Bremenen bildumako maisulanak: Delacroix-etik Beckmann-era
- Gaiak:
- Artea eta emozioa | Artearen historia | Sorkuntza artistikoa | Argia | Lan-prozesua | Historia-margoa | Paisaia | Barbizongo eskola | Ingurunea eta natura | Frantzia | Barbizon | Fontainebleauko basoa | Pontoise
- Mugimendu artistikoak:
- Errealismoa
- Artelan motak:
- Pintura
- Aipatutako artistak:
- Daubigny, Charles-François
Paisaia baten margolana da Charles-François Daubigny frantsesaren Paisaia Pontoise-tik gertu; genero horrek pintura historikoaren lekukoa hartu zuen XIX. mendean, ordura arte, XVII. mendeaz geroztik, pintura historikoa izan baitzen nagusi Frantziako akademietan.
Artista frantses askok bilatu zuten inspirazioa naturan 1830eko eta 1840ko hamarkadetan. Zehazki, haietako askok Fontainebleauko basoa hautatu zuten, Paristik 60 kilometro inguru hego-ekialdera, aire zabalean margotzeko. Han, Barbizon herria izan zuten gune kutunenetako bat, eta handixek hartu zuen izena Barbizongo Eskola deritzonak; programa bateratu bat zuten artista-multzo itxi bat biltzera inoiz iritsi ez zen mugimendua izan zen eskola hori.
Fontenebleaura askotan joan ziren artistetako bat izan zen Charles-François Daubigny, eta sistema original bat sortu zuen zuzenean aire zabalean erosotasunez margotzeko. 1856an estudio-txalupa bat asmatu zuen, “Le botin” zeritzona, eta harekin Sena eta Oise ibaiak zeharkatu zituen paisaiaren edertasuna islatzeko.
1860an Auvers-sur-Oise-ra joan zen, eta han margotu zuen hemen daukagun artelana, Paisaia Pontoise-tik gertu. Lehen planoan, ibaia inguratzen duen lautada handia hedatzen da eta, atzean, lurgunea goi-ordoki zabal baterantz igotzen da. Sartaldeko eguzkiaren argiaren ondorioz, arbolen ingeradak zeruaren gainean nabarmentzen dira. Daubignyk gogor lan egin zuen era horretako kontra-argi iradokitzaileen irudikapenean; naturaren deskribapen errealistarekiko zuen interesaz gain, paisaia poetikoaren eta adierazkorraren bilaketa erromantikoan izan zuen konpromiso irmoa erakusten dute horiek.