Kunsthalle Bremenen bildumako maisulanak: Delacroix-etik Beckmann-era
Udazkena zingiran, Otto Modersohn, 1895
Etxe gorria, Karl Schmidt-Rottluff, 1913
Iruzkinak
Paisaia haize-errotarekin, Carl Vinnen, 1912
- Izenburua:
- Paisaia haize-errotarekin, Carl Vinnen, 1912
- Erakusketa:
- Kunsthalle Bremenen bildumako maisulanak: Delacroix-etik Beckmann-era
- Gaiak:
- Artearen historia | Künstlerstreit Bremen | Sorkuntza artistikoa | Paisaia | Landa-eszenak | Worpswedeko artista-kolonia | Kunstverein Bremen | Ingurunea eta natura
- Artelan motak:
- Pintura
- Aipatutako artistak:
- van Gogh, Vincent | Vinnen, Carl
Carl Vinnen ez zen Worpswedeko koloniako kide izan, baina kidetasun artistikoaren ondoriozko lotura estua izan zuen komunitate hura osatzen zuten artistekin. Vinnen Bremenen jaioa zen, eta handik gertu zegoen Beverstedt herrian bizi zen. Paisaian oinarritutako artea garatu zuen, Worpswedeko bere kideenaren antzera, eta maiz biltzen zen haiekin.
Paisaia haize-errotarekin margolanari begiratuta, ondoriozta dezakegu itxuraz primitiboa eta naturari atxikia den landa-giroko bizimoduak liluratu egiten zuela artista. Paraje paregabe horrek egileari eragiten zion zirrara transmititzeaz gain, mihise honek ostertz sakonean, belaze zabalean eta kanalek, ubideek eta errekastoek zeharkatutako landetan barneratzen gaitu.
Vinnen Bremengo Kunstvereinen zuzendaritza-batzordeko kide izan zen 1905 eta 1910 artean, eta bera izan zen erakundeak 1911n Van Gogh-en Mitxoleta-soroa erosi zuenean sortutako polemikaren eragile nagusietako bat. Vinnenek egunkarietarako gutunak idatzi zituen, museoak arte aleman gehiago erosteko neurriak hartu behar zituela aldarrikatzeko, eta pintura frantsesa Alemaniako galerietan izaten ari zen sarbidea ixteko eskatzeko.