Kunsthalle Bremenen bildumako maisulanak: Delacroix-etik Beckmann-era
Mitxoleta-soroa, Vincent van Gogh, 1889
Neskatila bretoia, Marie Francisaille, Paul Sérusier, 1896
Iruzkinak
Vincent van Gogh-en Mitxoleta-soroa margolanaren erosketak sortutako polemika
- Izenburua:
- Vincent van Gogh-en Mitxoleta-soroa margolanaren erosketak sortutako polemika
- Erakusketa:
- Kunsthalle Bremenen bildumako maisulanak: Delacroix-etik Beckmann-era
- Gaiak:
- Artea eta identitatea | Bildumagintza | Artearen historia | Künstlerstreit Bremen | Kunstverein Bremen | Kunsthalle Bremen | Alemania | Frantzia | Gustav Pauli
- Artelan motak:
- Pintura
- Aipatutako artistak:
- van Gogh, Vincent | Vinnen, Carl
Kunsthalle Bremenek Vincent van Gogh-en Mitxoleta-soroa 30.000 markoren truke erosi izanak eztabaida handia piztu zuen, eta desadostasunak sortu zituen artisten, museo-zuzendarien eta kritikarien artean. Erosketa horrek Künstlerstreit edo artisten arteko polemika leherrarazi zuen. Carl Vinnen margolariak leporatu zion Gustav Pauli-ri, Kunsthalle Bremengo orduko zuzendariari, erosketa-politika horrekin ez zuela behar bezala aintzat hartzen Alemaniako arte garaikidea. “Kuntsvereini ohartarazpena” plazaratu zuen Bremer Nachrichten argitalpenean, bi zatitan argitaratu ere, pintura frantsesaren salneurri gehiegizkoak salatzeko eta, oro har, Alemaniako museoek jasan zezaketen “arte frantsesaren inbasio handiaren” arriskuaz ohartarazteko. Pauliren bilduma-politika atzerakoitzat jo zuen Vinnenek, Alemaniako arte garaikidera behar adina bideratua ez zegoela irizten zion, eta erosketak egiteko berriro ere Erosketa-Batzorde batera jotzeko eskatu zuen.
Erantzun gisa, Paulik ere artikuluak atera zituen erakusteko Kuntshalleko bildumarako artelan aleman gehiago erosi zituela frantsesak baino. Idatzizko elkartruke horren ondoren, gaiari buruzko artikulu ugari argitaratu zen Alemaniako egunkari askotan eta eztabaida gogortu egin zen denborak aurrera egin ahala. 1912ko otsailean eta martxoan, Pauli iritzi publikoari zuzendu zitzaion “Bremengo pinakotekaren zabalkundea” eta “Galeria modernoa” artikuluekin, Güldenkammer eta Kunst und Künstler argitalpenetan, hurrenez hurren. Artikulu horietan, bere erosketa-erabakiei buruzko argibideak eman zituen Paulik, eta Van Goghek artearen historian zuen garrantzia aldarrikatu zuen; eta berriro ere argitu zuen zenbat margolan aleman eta zenbat margolan frantses erosi zituen (84 aleman eta 13 frantses zehazki).
Pintura frantsesak Alemaniako museoetan zeukan lekuaren inguruan kritikarien eta arte-merkatarien artean sortutako eztabaida hark artearen merkatuan gertatzen ari zen aldaketari zitzaion beldurra izan dezake abiaburu.