Kunsthalle Bremenen bildumako maisulanak: Delacroix-etik Beckmann-era
Ecce homo, Eugène Delacroix, ca. 1850
Hilerriko atea, Caspar David Friedrich, ca. 1825/30
Iruzkinak
Glaziarra, Thomas Ender, d.g.
- Izenburua:
- Glaziarra, Thomas Ender, d.g.
- Erakusketa:
- Kunsthalle Bremenen bildumako maisulanak: Delacroix-etik Beckmann-era
- Gaiak:
- Bildumagintza | Artearen historia | Sorkuntza artistikoa | Paisaia | Kunsthalle Bremen | Ingurunea eta natura | Alemania | Alpeak
- Mugimendu artistikoak:
- Erromantizismoa
- Teknikak:
- Akuarela
- Artelan motak:
- Pintura
- Aipatutako artistak:
- Carus, Carl Gustav | Ender, Thomas | Friedrich, Caspar David
Alemaniako Erromantizismoko obren bilduma handia dauka Kunsthalle Bremenek, eta horien artean mugimendu horretako artistarik ezagunenetako batzuek egindakoak daude: Caspar David Friedrich, Carl Gustav Carus eta Thomas Ender, besteak beste; azken hori da aurrean daukazun margolanaren egilea.
Erromantizismoak bide desberdinak hartu zituen Frantzian eta Alemanian; Alemanian artistek naturarekiko loturak esploratu zituzten. Thomas Enderrek, adibidez, 1829az geroztik eta Joan artxidukearen ganberako margolari moduan, hainbat teknika artistikoz irudikatu zituen Austriako Alpeak. Artista aleman askok margotuko zuten inspirazio-iturria izan zen Europako hegoalderazko bidean zeharkatu beharreko mendikate handi hura.
Alpeetan zehar oinez egindako ibilbideetan, Enderrek mendi haien forma itzelak ikertu eta akuareletan erregistratzen zituen xehetasun handiz, motiboaren aurrean zuzenean lan eginez. Kasu gehienetan, haren obrak zehaztasunez koka daitezke espazioan; beste batzuk, ordea, Glaziarra adibidez, ezin dira lokalizatu. Kasu honetan, bereziki nabarmentzekoa da artistak nola irudikatu zuen izotz-masen formazio geologikoa glaziar baten mihian.