Kunsthalle Bremenen bildumako maisulanak: Delacroix-etik Beckmann-era
Paisaia haize-errotarekin, Carl Vinnen, 1912
Kanpoan, Richard Oelze, 1965
Iruzkinak
Etxe gorria, Karl Schmidt-Rottluff, 1913
- Izenburua:
- Etxe gorria, Karl Schmidt-Rottluff, 1913
- Erakusketa:
- Kunsthalle Bremenen bildumako maisulanak: Delacroix-etik Beckmann-era
- Gaiak:
- Artea eta emozioa | Bildumagintza | Artearen historia | Eragin artistikoa | Sorkuntza artistikoa | Kolorea | Sinbologia | Paisaia | Die Brücke | Der Sturm galeria | Kunsthalle Bremen | Alemania | Nida | Fritz Bleyl | Emil Waldmann | Gustav Pauli
- Mugimendu artistikoak:
- Futurismoa
- Artelan motak:
- Pintura
- Aipatutako artistak:
- Heckel, Erich | Kirchner, Ernst Ludwig | Schmidt-Rottluff, Karl
Erich Heckel, Ernst Ludwig Kirchner eta Fritz Bleyl artistekin batera, Karl Schmidt Rottluff-ek Die Brücke (euskaraz, Zubia) izeneko taldea sortu zuen 1905ean; talde artistiko horrek adierazpen artistikorako forma berriak bilatu zituen, eta, era berean, konbentzio tradizionalak astindu zituen, eta Alemaniako artea irauli. Taldekideen kontsigna ideologikoak gaztetasuna, subjektibotasuna eta askapena izan ziren, eta trazu indartsuz aplikatu zituzten beren margolanetan, matxinada estetikoarekin bat eginda.
Taldeak iraun zuen bitartean, Die Brückeko artistek gutxitan lortu zuten beren obrak Kunsthalle Bremenen erakustea, eta lortu zutenetan ere, eszeptizismo nabarmenez hartu zituen publikoak. Lehen Mundu Gerra amaitutakoan, Emil Waldmann-ek, hau da, museoak Pauli-ren ondoren izan zuen zuzendariak, Die Brücke taldeko margolarien alde jokatu zuen, eta Bremengo herritarrengana gerturatu zituen.
Kunsthalle Bremenen bilduman dauden Schmidt-Rottluffen bi margolanak 1913ko maiatzean eginak dira, Die Brücke desegin berria zela. Urte hartako iraila arte, Schmidt-Rottluff itsaso Baltikora erretiratu zen, Nida arrantzale-herrixkara, gaur egun Lituanian dagoen Kurlandia istmoan; indar handiko obra ugari margotu zuen bertan uda hartan. Horietako bat da Etxe gorria; mihise honetan, aukeratutako paisaia zatia gertakari piktoriko dramatiko gisa erreproduzitzen du artistak.
Pintzelkada lodiek, kolore gorri eta berdeekin konbinatuta, etxerantz bideratzen dute begirada. Aldamenean, haizearen kulunkak makotutako makalak zerurantz hedatzen dira; zeruan pintzelkadak sakabanatu egiten dira eta kolore-plano biziak sortzen dituzte. Margolan honetan, Schmidt-Rottluffek agerian uzten du natura bortitzaren eta ahaltsuaren irudia, sinbolikoki arboletan eta beste elementu batzuetan kondentsatzen duena. Koadroak sortzen duen zurrunbilo dinamikoak artistak pintura futuristari buruz zuen interesa erakusten du; urtebete lehenago izan zuen, hain zuzen, mota horretako pintura ikusteko aukera Berlingo Der Sturm galerian.