Kunsthalle Bremenen bildumako maisulanak: Delacroix-etik Beckmann-era
Herria zuhaitzen artean (Marines), Paul Cézanne, ca. 1898
Mitxoleta-soroa, Vincent van Gogh, 1889
Iruzkinak
Itsasertzean (Blankenberge), Henry van de Velde, 1889
- Izenburua:
- Itsasertzean (Blankenberge), Henry van de Velde, 1889
- Erakusketa:
- Kunsthalle Bremenen bildumako maisulanak: Delacroix-etik Beckmann-era
- Gaiak:
- Artea eta pertzepzioa | Bildumagintza | Arkitektura | Eragin artistikoa | Ibilbide artistikoa | Esperimentazio artistikoa | Sorkuntza artistikoa | Kolorea | Optika | Paisaia | Hogeiak | Kunsthalle Bremen | Alemania | Blankenberge | Georges Seurat
- Mugimendu artistikoak:
- Inpresionismoa
- Teknikak:
- Puntillismoa
- Artelan motak:
- Pintura
- Aipatutako artistak:
- van de Velde, Henry
Kunsthalle Bremengo margolanek Henry van de Velde margolari belgikarrak Inpresionismo naturalistatik zientifikora egindako trantsizioa ilustratzen dute. Itsasertzean (Blankenberge), 1889koa, estilo puntillistari jarraituz egina dago osoki.
Van de Veldek egonaldiak egiten zituen Flandriako Blankenberge herrian. Inguru horretan egin zituen lehen esperimentuak Inpresionismotik abiatutako teknika berri horrekin; teknika horren ordezkari gorenak, Georges Seurat-ek, eragin handia izan zuen, zalantzarik gabe, Van de Velderengan. Estilo horren funtsa zen mihisera kolore puruak eramatea puntuen bidez, halako moldez non horiek ikuslearen begian baino ez ziren nahasten; lan horrek eroapen handia eskatzen zuen.
Belgikarrak gogoan zuen Seuraten Igande arratsaldea La Grande Jatte uhartean margolanak eragin zion zirrara. 1887an izan zuen koadro hura ikusteko aukera, Les Vingt artista-taldearen laugarren erakusketan; eta une hartatik aurrera Itsasertzean margolanean ikus daitekeen teknika hura bereganatzen hasi zen. Urrundu zaitez margolanetik bere adierazkortasun osoan behatu ahal izateko eta koloreak optikoki nahastuta irudia nola sortzen den atzemateko.
Van de Velde polifazetikoa izan zen. Ez zen nabarmendu abangoardiako margolari moduan soilik, arkitekto handia ere izan zen: gaur egun Alemanian ikusgai dauden eraikin ugari sortu zuen, eta haien barneko diseinuaz ere arduratu zen, dekorazio osoa eta altzariak barne.