Kunsthalle Bremenen bildumako maisulanak: Delacroix-etik Beckmann-era
Sylvette, Pablo Picasso, 1954
Franz Schulze pintorearen erretratua, Otto Dix, 1921
Iruzkinak
Autorretratua saxofoiarekin, Max Beckmann, 1930
- Izenburua:
- Autorretratua saxofoiarekin, Max Beckmann, 1930
- Erakusketa:
- Kunsthalle Bremenen bildumako maisulanak: Delacroix-etik Beckmann-era
- Gaiak:
- Bildumagintza | Sorkuntza artistikoa | Sinbologia | Erretratua eta autorretratua | Kunsthalle Bremen | Erbestea | Nazismoa | Tradizioa | Alemania
- Mugimendu artistikoak:
- Degenerate art
- Artelan motak:
- Pintura
- Aipatutako artistak:
- Beckmann, Max
Kunsthalle Bremenen bildumako funtsik garrantzitsuenen artean Max Beckmannen obren multzoa dago; Beckmann indibidualistatzat jo daiteke arte modernoaren historiaren barruan. 1906an Die Brücke taldeko espresionistek “ezarritako korronte konbentzionalen” aurka egin zutenean beren programan, nolabaiteko polemika sortuz, Beckmann beren beregi saiatu zen Artearen Historiaren tradizioekin konektatzen.
Autorretratua saxofoiarekin, 1930ean egina, egileak bere ibilbidean zehar bere nia aztertzeko egin zituen 40tik gora autorretratuetako bat da. Kuntshalle Bremenen kontserbatzen den honetan, margolaria antzerkiko aktore moduan ageri da.
Hogeita hamarreko hamarkadan, bogan zegoen kabaretaren, vaudevillearen eta zirkuaren mundua, eta artista askoren arreta erakartzen zuen. Beckmannek berak ere askotan irudikatu zuen. Mihise honetan, modu anbiguoan erretratatzen du bere burua margolariak. Akrobata-elastiko arrosa dauka jantzita eta haren gainean txabusina bat; esku artean saxofoi bat dauka, garaikidetasunari eta arte independenteari erreferentzia egiten dion jazz-musika tresna. Musika tresnaren ondoan gramofono baten ahoa ikus dezakegu. Itxuraz, Beckmannek entzule moduan irudikatu zuen bere burua, baina baita musikari pasibo moduan ere. Inork jotzen ez duen musika-tresnak eta buru soilduak Alemaniako egoera politikoaren aierua iradokitzen dute. Sinbolismo horri, gainera, kolore disonanteak eta agertokiaren espazio definitu gabea gehitzen zaizkio, nagusi zen gogo-aldartearen indargarri. Nazismoa Alemaniara iristeak margolariaren ibilbidea oztopatu zuen eta, 1937an, arte degeneratuaren erakusketa inauguratu eta gero, Beckmannek herrialdetik alde egin zuen.