Kunsthalle Bremenen bildumako maisulanak: Delacroix-etik Beckmann-era
Itsasertzean (Blankenberge), Henry van de Velde, 1889
Vincent van Gogh-en Mitxoleta-soroa margolanaren erosketak sortutako polemika
Iruzkinak
Mitxoleta-soroa, Vincent van Gogh, 1889
- Izenburua:
- Mitxoleta-soroa, Vincent van Gogh, 1889
- Erakusketa:
- Kunsthalle Bremenen bildumako maisulanak: Delacroix-etik Beckmann-era
- Gaiak:
- Artea eta espazioa | Artearen historia | Künstlerstreit Bremen | Eragin artistikoa | Esperimentazio artistikoa | Sorkuntza artistikoa | Kolorea | Lan-prozesua | Paisaia | Saint-Paul-de-Mausole sendategia | Kunsthalle Bremen
- Mugimendu artistikoak:
- Inpresionismoa
- Teknikak:
- Impasto
- Artelan motak:
- Pintura
- Aipatutako artistak:
- van Gogh, Vincent
Mihise hau Kuntshalle Bremenen bildumako maisulanetako bat da gaur egun. Mitxoleta-soroa 1889an egina da, buruko gaitzetarako Saint-Paul-de-Mausole sendategiaren inguruetan, Saint-Rémyn; van Gogh urte bereko maiatzaz geroztik bizi zen han. 1889ko ekainaren hasieran, erakundea uzteko baimena jaso ondoren, mitxoleta-soroa izan zen artistak klinikatik kanpo irudikatzea erabaki zuen lehen motiboa.
Irudiak haranaren ikuspegi bat eta landak loretan erakusten ditu. Paisaiak aldats jarraitu batean behera egiten du, eta sakontasun-efektua sortzen du; efektu hori gero desagertu egiten da, koadroaren goiko ertzeko lurra goratu egiten delako. Dauden geruzetako bakoitzak bere egiturak, elementu linealak eta planoak dauzka, baita enpasteak ere, eta ehun organiko artikulatua sortzen dute mihise gainean, kolore argitsuek eta keinu piktoriko suhar batek markatua.
Obra honen benetako gaia sakontasunaren eta azaleraren arteko harremana da. Artistak xehetasun osoz prestatu zuen konposizioa marrazki batean, eta gero hura mihise gainean eraikitzen joan zen hainbat geruzatan. Pintura inpresionistari buruz egin zuen azterketa aintzat hartuz, koloreaz eta espazioaz arduratzeko abiaburua izan zen paisaia van Goghentzat.
Kunsthalle Bremenek 1911n van Goghen obra hau erosi izanak eztabaida handia piztu zuen komunitate artistikoan.