Kunsthalle Bremenen bildumako maisulanak: Delacroix-etik Beckmann-era
Emakume gaztea (Melankolia), Théodore Chassériau, c. 1833/35
Ecce homo, Eugène Delacroix, ca. 1850
Iruzkinak
Vittoria Caldoni-ren erretratua, Theodor Rehbenitz, 1821
- Izenburua:
- Vittoria Caldoni-ren erretratua, Theodor Rehbenitz, 1821
- Erakusketa:
- Kunsthalle Bremenen bildumako maisulanak: Delacroix-etik Beckmann-era
- Gaiak:
- Artearen historia | Eragin artistikoa | Sorkuntza artistikoa | Erlijio-margoa | Erretratua eta autorretratua | Nazaretarrak (Lukasbund) | Edertasuna | Erroma | Alberto Durero | Rafael | August Kestner | Vittoria Caldoni
- Artelan motak:
- Pintura
- Aipatutako artistak:
- Rehbenitz, Theodor
Erroma hiriak beti izan du erakarmen handia artista eta intelektualentzat. XVII. mendeaz geroztik, margolariek, eskultoreek eta arkitektoek Betiereko Hirira jotzen zuten Europako iparraldeko herrialde askotatik.
1809an zenbait artista aleman batu ziren San Lukasen Gremioa sortzeko (Lukasbund), margolarien patroia gogoan. Urtebete geroago, Erromara joan ziren han bizitzeko eta komunitatean lan egiteko. Haien xedea zera zen, margolaritza erlijiosoa indartzea Alberto Durero-ren eta Rafaelen tradizioan, ideal estetiko klasizistak berreskuratzea eta beren obrekin herritarrengana iristea. San Isidoroko monasterioan ezarri ziren eta arropa nasaiak janzten hasi ziren, adats luzeak utzita, Jesus Nazaretekoak bezala; horregatik, “nazaretarrak” deitzen zieten tonu sarkastikoan.
Emakume italiarren edertasunak liluratu egiten zituen iparraldetik joandako artistak, eta horregatik nazaretarrek Rafaelen idealean irudikatuta ikusten zituzten figurak preziatzen zituzten batez ere. Horren adibiderik ezagunena Vittoria Caldoni da, Albano herriko mahastizain txiro batzuen alaba. 1820an, Hannoverko Legazio Diplomatikoko kontseilariak, August Kesrner-ek, “aurkitu” eta Erromara eraman zuen, eta han lehia bat antolatu omen zuen jakiteko zein margolarik lortzen zuen haren edertasuna modurik sinesgarrienean islatzea.
Lehiakideen artean Theodor Rehbenitz nabarmendu zen, gremiotik kanpokoa bera. Haren mihisean, margolariak soineko tipikoa jantzita erakusten du neska gaztea. Lerroen argitasunak eta kolore-paletaren harmoniak hastapenetako Rafael dakarte gogora, nazaretarren paradigma estilistikoa, alegia.
Guztira, 44 lagunek margotu zuten neska gaztearen erretratua, haren araztasuna eta apaltasuna atzeman nahian, baina badirudi inork ez zuela haren edertasuna islatzerik lortu, inor ez baitzen garaile izan Kestnerren erronkan.