Kunsthalle Bremenen bildumako maisulanak: Delacroix-etik Beckmann-era
Iluntzea landaldean, etxea eta urkilarekin, Paula Modersohn-Becker, ca. 1900
Paisaia haize-errotarekin, Carl Vinnen, 1912
Iruzkinak
Udazkena zingiran, Otto Modersohn, 1895
- Izenburua:
- Udazkena zingiran, Otto Modersohn, 1895
- Erakusketa:
- Kunsthalle Bremenen bildumako maisulanak: Delacroix-etik Beckmann-era
- Gaiak:
- Artea eta emozioa | Bildumagintza | Artearen historia | Sorkuntza artistikoa | Paisaia | Barbizongo eskola | Worpswedeko artista-kolonia | Kunsthalle Bremen | Ingurunea eta natura | Alemania | Bremen | Fritz Mackensen
- Artelan motak:
- Pintura
- Aipatutako artistak:
- Modersohn, Otto
Kunsthalle Bremenek XIX. mendearen amaieran eta XX. mendearen hasieran Alemaniako iparraldean egindako artearen bilduma aparta dauka, eta lan horien artean Worpswedeko 40 artelan nabarmentzen dira; oso komunitate artistiko emankorra izan zen hura, artista aleman talde batek izen bereko herrian sortua.
Worpswedeko koloniak Barbizongo Eskolaren eredu frantsesa kopiatu zuen; hala, 1889an hainbat artista — tartean Otto Modersohn— Bremendik gertu zegoen gune lasai batean ezarri ziren bizitzen. Margolariek bizimodu soila eta intimoa bilatzen zuten, zibilizaziotik urrundua. Apaindura gutxikoa eta, pinturaren ikuspegitik, guztiz garbia zen paisaiarekiko harmonian bizi ziren, eta hura bihurtu zuten beren aire zabaleko pinturaren gai nagusi.
Ostertz sakonez, belaze zabalez eta kanalek, ubideek eta errekastoek ildaskatutako landez osatutako paraje natural berezi hark eragiten zizkien zirrarak transmititzen dituzte beren obrek.
Otto Modersohnen 1895eko Udazkena zingiran margolan honetan, herriaren inguruak urak partzialki hartuta ikusten dira, baita bi urki eta kainaberaz estalitako landetxe bat ere, hodeipean, zeru urdin distiratsuaren aurrean. Mihise hau Otto Modersohnek eta Worpswedeko koloniako beste kide batek, Fritz Mackensen-ek, 1895ean Municheko Beirazko Jauregian aurkeztu zituzten lanen artean zegoen. Pieza horiek talde honi buruzko interes handia piztu zuten, lehen aldiz, hala maila nazionalean nola nazioartekoan.