Kunsthalle Bremenen bildumako maisulanak: Delacroix-etik Beckmann-era
Autorretratua lirio urdindun atzealde berdearen aurrean, Paula Modersohn-Becker, 1900/07
Udazkena zingiran, Otto Modersohn, 1895
Iruzkinak
Iluntzea landaldean, etxea eta urkilarekin, Paula Modersohn-Becker, ca. 1900
- Izenburua:
- Iluntzea landaldean, etxea eta urkilarekin, Paula Modersohn-Becker, ca. 1900
- Erakusketa:
- Kunsthalle Bremenen bildumako maisulanak: Delacroix-etik Beckmann-era
- Gaiak:
- Eragin artistikoa | Ibilbide artistikoa | Sorkuntza artistikoa | Kolorea | Paisaia | Barbizongo eskola | Nabiak | Worpswedeko artista-kolonia | Espiritualtasuna | Ingurunea eta natura | Bremen | Paris
- Mugimendu artistikoak:
- Abangoardia | Sinbolismoa
- Artelan motak:
- Pintura
- Aipatutako artistak:
- Modersohn-Becker, Paula
Parisek esanahi berezia izan zuen Paula Modersohn-Becker-entzat. Garai hartan artearen mundu mailako hiriburua zenak eragin erabakigarria izan zuen haren hizkuntza piktoriko ausartean eta antiakademikoan. 1900 eta 1907 artean, Modersohn-Beckerrek lau aldiz utzi zuen Worpswedeko artisten kolonia, Bremendik ez oso urruti kokatua, bi urtez Parisko eszena artistikoan barneratzeko. Bere zoritxarreko heriotza goiztiarra arte, XX. mendearen hasierako margolari aleman garrantzitsuena bihurtzera eraman zuen obra-multzoa sortu zuen Alemaniako herri txikiaren eta Frantziako metropoliaren artean eratutako ardatz hartan.
Denbora-tarte horretan hala Worpswedeko artisten koloniaren nola abangoardia frantsesaren eragina jaso zuen. Lehena Barbizongo Eskolaren adibideari jarraituz 1889an sortutako eskola izan zen, “naturara itzulera” ezaugarri nagusi zuena. Bigarrenari, hau da, abangoardia frantsesari dagokionez, haren parte izan zen nabien artista-taldea, Worpswederen garaikidea; nabiek ikusgarri denetik harago gauzen esentzia argitara ateratzen saiatzen zen arte sinbolikoa aldarrikatzen zuten.
Iluntzea landaldean, etxea eta urkilarekin margolanean agerian dago artistaren ausardia. Etxea leihorik gabeko kubo moduan dago irudikatua; arbola igitai bitxi eta biluzi bat baino ez da; inguruko natura koloretako zerrenda eta eremu batzuetan geratzen da. Paisaia ezatseginak Beckerrek ilunabarra atzemateko darabiltzan tonu arrexken bidez sortua eta bateratua dirudi. Bideen eta irudiaren espazioan diagonalean barneratzen den etxearen bidez sakontasun-sentsazioa transmititzen badu ere, lehen eta bigarren planoak trinkatu egiten ditu kolore berberak erabilita, lautasun-sentsazioa sortuz.