Antoni Tàpies. Objektutik eskulturara (1964-2009)
Zapatila, 1986
Besaulkia, 1987
Iruzkinak
Bainuontzia I, 1988
- Izenburua:
- Bainuontzia I, 1988
- Erakusketa:
- Antoni Tàpies. Objektutik eskulturara (1964-2009)
- Gaiak:
- Artea eta filosofia | Artea eta emozioa | Eragin artistikoa | Sorkuntza artistikoa | Sinbologia | Ramón Llull | Dualtasuna
- Artelan motak:
- Artisautza | Eskultura
- Aipatutako artistak:
- Tàpies, Antoni
Zeramika gero eta konplexuagoak egin zituen Tàpises-ek. Horren adibide da 1988an egin zuen Bainuontzia I, haren formagatik eta neurriagatik. Bainuontzi hau bere horretan dago orekan, ez du txorrotarik, eta zulatua eta zeinuz betea dago (zirriborroak, ebakiak, markak, zuloak, orbanak). Txamotadun lur esmaltatuz dago egina. Esmaltea zeramika porotsuari aplikatzen zaio koloreak finkatzeko.
Tresna erreal, ohiko eta egunerokorako beharrezkoa den honek, bainuontziak alegia, garbitasunari, araztasunari eta birsortzeari egiten die erreferentzia. Eguneroko bizimoduko elementu bat da eta karga sinboliko handia du. Manipulazioak, sormen-prozesuak, diametroaren arabera aurkakoa den objektu bihurtu du. Nori etortzen zaio gogora higienea pieza hautsi eta zikin hau ikusita?
Gainazala urratua du, hautsia, zulatua, zikindua, grafiti eta zeinu irakurtezinak ditu, kaligrafia ulertezina eta horiek guztiak ez dauden presentzien, ezinezko ametsen, desegindako itxaropenen eta desio hautsien lekuko dira.
Gurutze bat du bainuontziak kanpoaldean. Gurutzea mendebaldeko kultura kristauaren sinbolo nagusia da. Tàpies ekialdeko filosofiaren mireslea zen eta mendebaldeko pentsalariak ezagutzen ere saiatu zen. Ramón Llull (XIII. mendeko filosofo mallorkarra) zuen gogokoenetako bat, eta eredu gorentzat zuen Tàpiesek mistikan eta zientzian, filosofian eta poesian, pentsalaritzan eta ekintzailetzan. Tàpiesen esanetan:
“Llullek funtsezkoa, sakonena, baino ez pintatzeak zuen garrantzia nabarmentzeko egindako ahalegina eredugarria da; eta horrek gurutzearen irudia besterik ez zen azken batean harentzat. Baina sinbolikoki hartutako ereduak baliogarria izaten jarraitzen du, beste askok bezala”.