Antoni Tàpies. Objektutik eskulturara (1964-2009)
Shunyata, 1993
Oheburua eta metala, 1993
Iruzkinak
Arropa-saskia, 1993
- Izenburua:
- Arropa-saskia, 1993
- Erakusketa:
- Antoni Tàpies. Objektutik eskulturara (1964-2009)
- Gaiak:
- Esperimentazio artistikoa | Sorkuntza artistikoa | Sinbologia | Erakusketak
- Artelan motak:
- Eskultura
- Aipatutako artistak:
- Tàpies, Antoni
1994an Antoni Tàpies: A Summer’s Work izeneko erakusketa bat izan zen Londresko Waddington Galleries galerian. Katalogoko testuan, Manuel Boja-Villel-ek esan zuen Londresko erakusketako obrak “1993ko udan eginak behar zutela izan nahitaez. [...] Obrak elkarri kateatuta daude etenik gabeko sorta ez-narratibo batean eta artistaren obsesioak ditu bereizgarri; ez hainbeste bilaketa diskurtsiboa edo bere lengoaiaren garapen lineala”. Hein batean, artistaren sormen-lanaren isla dira.
Etxeetan arropa zikina gordetzeko izan ohi diren saski horietako bat iraulia dago eta, barrukoa, lurrean sakabanatua. Oihal ilun batzuk gurutze-forman daude eroriak eta saskiaren barrutik galtzerdi gris bat, galtza bakeroak eta arropa zuri bat ateratzen dira; arropa arrunta. Saskiaren kanpoaldean, etiketa gisa, oihal zati zuri laukizuzen bat dago josia. Zeinu batzuk ditu idatziak; besteak beste gurutze bat. Kaligrafiak beti du presentzia.
1990ean argitaratutako saiakera batean, honako hau adierazi zuen Antoni Tàpiesek:
«(Intelektualak eta artistak) mota askotako gauzak egin arren, sakon-sakonean, beti ari dira liburu bera idazten eta ia bakarrak diren idealak garatzen».
Ikusi dugu artistaren obran etengabe errepikatzen direla objektuak, gai bertsuei bueltak ematen dizkiela. Saskia eta arropa obra askotan azaltzen dira; batera edo bereizita, isolatuta edo beste objektu batzuen ondoan. Berriro ere, eguneroko objektuak artelanen mailara jaso zituen.