Antoni Tàpies. Objektutik eskulturara (1964-2009)
Besaulkia, 1987
Eltzea, 1997
Iruzkinak
Liburua I, 1987
- Izenburua:
- Liburua I, 1987
- Erakusketa:
- Antoni Tàpies. Objektutik eskulturara (1964-2009)
- Gaiak:
- Artea eta emozioa | Artea. Teoria | Eragin artistikoa | Lan intelektuala | Sorkuntza artistikoa | Materiala | Sinbologia | Presentzia
- Artelan motak:
- Eskultura
- Aipatutako artistak:
- Tàpies, Antoni
Tàpies behin eta berriro itzultzen zen gai batzuetara. Liburuak zein burezurrak irudikatzen zituen objektu txikietan; batzuk brontzez egiten zituen, eta beste batzuk txamotadun lurrez, gai horien sinbologiaren edo benetako esanahiaren arabera. Artistak era askotara aztertu zituen, bai pinturan, bai eskulturan.
Margotutako brontzezko eskultura honek liburu bat irudikatzen du. Amaren aldeko aitona editorea eta liburu-saltzailea zen. Horregatik zuen Tàpiesek, seguru asko, liburuekiko halako zaletasuna. Ez irakurtzeko zaletasuna bakarrik, baizik eta idaztekoa ere bai; izan ere, jarduera artistikoez gain, saiakerak, hitzaldiak eta artikuluak ere idatzi zituen. Katalanez idatzi eta hainbat hizkuntzatara itzulitako zenbait liburutan argitaratu zituzten idatzi horiek eta arteari, artistari eta artistak gizartean duen funtzioari buruzko gogoetak eta ideiak plazaratu zituen. Garaiko gaien murgildutako eta funtsezko arazoak ikusarazteko ahalmena zuen arte konprometituaren alde egiten zuen.
Eskulturaren alderdi batzuei buruz ere egin zuen gogoeta Tàpiesek: “‘Errealitate’ esaten diogun horretan, ez dago ez libururik, ez burezurrik, ezta besaulkirik ere; liburua, burezurra edo besaulkia diren gauzak daude eta ez daude bi berdin-berdin. Haien bereizgarriek aldaezin irauten dute espazioan eta denboran. Gauza horiei ‘liburu’, ‘burezur’ edo ‘besaulki’ deitzeko, beharrezkoa da abstrakzio-ahalegin handia egitea”.
Barbara Catoir-en iritziz, “Tàpiesek afektua sentitzen du adierazpide sinboliko guztiekiko; bai zirriborroak, koaderno bateko ohar laburrak, paper japoniarrean egindako kaligrafia, sukaldeko ohar zimurtu eta orbandunak eta euskarri mota guztietako liburuak. Liburuak, Tàpiesentzat, gordetako hitz, irakurketa eta solaskide baino gehiago dira; esanahia dute objektu estetiko diren aldetik; esperientzia bisual bat dira”.
Liburuaren azalean pintatutako A eta T, artistaren izen-abizenen inizialak, obraren esentzian bere presentzia erakusteko borondatearen adierazgarri dira. Baina izan liteke Antoniren eta Teresa emaztearen arteko lotura ere. Emaztearekin partekatu zuen bizitza. Liburuak esan nahi duena entzutera gonbidatzen gaitu belarriak.