Antoni Tàpies. Objektutik eskulturara (1964-2009)
Iraulitako gurutzea, 2002
Labore-narra, 2009
Iruzkinak
Konposizioa saskiarekin, 1996
- Izenburua:
- Konposizioa saskiarekin, 1996
- Erakusketa:
- Antoni Tàpies. Objektutik eskulturara (1964-2009)
- Gaiak:
- Sorkuntza artistikoa | Forma | Materiala | Sinbologia | Tamaina
- Artelan motak:
- Eskultura
- Aipatutako artistak:
- Tàpies, Antoni
Brontzezko pieza honek kartoizko bilgarri bat du erdi zabalik; hondatu samar dago. Barruan, gurutze beltz handi bat margotuta eta kapazu bat daude. Brontzean ebakitako sinboloen artean hiru gurutze, hiru zenbakia eta hainbat marra daude.
1990eko hamarkadaren amaieran brontzezko beste sail batzuk egin zituen Tàpies-ek. Batzuk handiak dira eta horietako batzuetan, saskia erabili zuen elementu nabarmen gisa; eguneroko lanetan ohikoa den tresna, hain zuzen. Garai hartako obrak ezberdinak dira aurreko hamarkadakoekin alderatuz gero; bai patinaren emaitzari eta pigmentuaren aplikazioari begiratuta, bai muntaiari erreferentzia egiten dioten elementuak gehitzeari dagokionez. 1999an egindako Kutxa eta aulkia eta hemen aipatu dugun Konposizioa saskiarekin obrak jarrera horren erakusle dira.
Formak zeinu gisa, errealitatearen irudi metaforiko gisa erabiltzea Tàpiesen obraren bereizgarrietako bat da. Alexander Cirici Pellicer-en ustez, “artistak irakurketa posible guztiak baino harago sartu nahi izateak ez du esan nahi artistak ez dakienik errealitatera hurbiltzeko sistema sinbolikoak erabili ohi ditugula; hori denok dakigu. Horretarako daude zeinuak, baina beharrezkoa da kanpoko azala zeharkatzea sinboloen atzean eta aurrean ezkutatuta dagoen errealitate adierazezinaren nagusitasun lausoa aurkitzeko. Esanahiak ahaztuko ditugu, baina zeinuak izango ditugu gutxienez, zentzu bat ikusteko aztarna gisa”.
Barneko gurutze beltza, kanpoko hiru gurutzeak hiru zuloen aurrean, hiru zenbakia, duen hirutasun-sinbologiarekin... eta azpian saskia, saski arrunt bat, edozein landa- edo hiri-eremutan egon daitekeen kapazu bat, eguneroko objektu hedatua, propio aukeratutakoa. Aztarna horiek guztiek erakusten dute itxuraz sinplea eta soila izan arren, Tàpiesen obrak esanahi aberatsa dutela.