Pertzepzio aldakorrak: Guggenheim Museoaren Panza Bilduma
Carl Andre
Doug Wheeler
Atalak
Donald Judd
- Izenburua:
- Donald Judd
- Erakusketa:
- Pertzepzio aldakorrak: Guggenheim Museoaren Panza Bilduma
- Gaiak:
- Artea eta espazioa | Artea eta pertzepzioa | Artea eta zientzia | Lan intelektuala | Sorkuntza artistikoa | Forma | Gainazala | Geometria | Kolorea | Materiala
- Artelan motak:
- Eskultura | Instalazioa | Pintura
- Aipatutako artistak:
- Judd, Donald
Donald Judd-ek (1928–1994) 60ko hamarkadaren hasieran utzi zion pintatzeari, hauxe onartu ondoren “espazio erreala berez ahalmentsuagoa eta berariazkoagoa da gainazal lauaren gaineko pintura baino”. Juddek errepresentazioa edo konbentzio sinbolikoak baztertu zituen, eta bere obraren berariazko ezaugarriak eta objektuaren, ikuslearen eta ingurunearen arteko elkarrizketa landu zituen. "Specific Objects" izenburua duen 1965eko bere tratatu ezagunean, Juddek defendatzen zuen obra ez zen ez pintura ez eta eskultura ere, eta izaera berezia, agerikoa zuen, forma, kolorea, irudia eta gainazala konbinatzearen emaitza.
Titulurik gabea (1969) obra kobrezko hamar kaxa berdinez osatua dago, bata bestearen gainean paretaren kontra jarriak, eta Juddek objektua instalatzen den lekura egokitzeari ematen dion garrantziaren erakusgarria da. Muntaia honen antolamendu uniformeak eskultura eta pareta konposizio bakar gisa ikustera bultzatzen du ikuslea. Espazio negatiboa obraren osagaia da; masaren eta hutsunearen arteko erlazio hori bere esanahiaren osagaia da. Juddek konposizio gehigarriak baztertzen ditu eta nahiago du banakako osagaiak multzo osoaren menpe jartzen dituzten estrategiak erabili. Juddek barne-logikaz duen kezka hori agerian geratzen da izenbururik ez duten 1970eko paretako bi obratan. Horietan Fibonacci-ren progresioa aplikatu zuen (matematikazko sekuentzia honetan zenbaki bakoitza aurreko bien batuketa da: 1, 1, 2, 3, 5, eta horrela elkarren segidan).
Juddi erabiltzen zituen materialen oinarrizko nolakotasunak interesatzen zitzaizkion, kolorea barne. Bere lehenengo lanetan kaxen gainazala pintatu ohi bazuen ere, geroago baliabidearen beraren kolorea erabili zuen, aluminioa edo letoia bezalako material bikainez baliatuz. Titulurik gabea (1972) obran, gainazal leuna duten kuboen bi alde plexiglas gorriz eginda daude, ikusleari obraren barrualdea ikustea ahalbidetzen dion material zeharrargia izanik. Hala, formaren benetako izaera ageriago geratzen da.