Pertzepzio aldakorrak: Guggenheim Museoaren Panza Bilduma
Jene Highstein
Richard Long
Atalak
Joel Shapiro
- Izenburua:
- Joel Shapiro
- Erakusketa:
- Pertzepzio aldakorrak: Guggenheim Museoaren Panza Bilduma
- Gaiak:
- Artea eta pertzepzioa | Artea eta emozioa | Eragin artistikoa | Ibilbide artistikoa | Sorkuntza artistikoa | Forma | Tamaina | Sentimenduak
- Mugimendu artistikoak:
- Minimalismoa
- Artelan motak:
- Artisautza | Eskultura
- Aipatutako artistak:
- Shapiro, Joel
Joel Shapiro-ren (1941ean jaioa) lanak —bere ibilbide artistikoa 60ko hamarkadaren bukaeran hasi zuen— minimalismoa onartu arren mugimendu horretatik urrundu zen. Gabetzearen estetika erabili bazuen ere, bere sentsibilitate artistiko berezia artisautza-teknika tradizionalekin konbinatzen zituen forma arketipikoen erabileragatik nabarmentzen da.
1964an New Yorkeko Unibertsitatean graduatu ondoren, Shapirok bi urte eman zituen Indian, Bake Gorputzean zerbitzatuz, hain zuzen. Garai hartan zehar garatu zituen bere kezka artistikoak, bai eta bertako artisauen eragina jasoz bere obrari eman zion artisautza-ikuspegia ere. 70eko hamarkadaren hasieran, Shapiro eskala txikiko obrak erakusgai jartzen hasi zen, Constantin Brancusi-ren oinarrizko formak gogorarazten dizkigutenak. Horien artean hilkutxa bat, aulki bat eta mahai bat zeuden. Eduki sinbolikoa gaitzesten zuen eta garai hartan nagusi zen estetikaren oso bestelakoak diren eskultura hauek beti dira antzemangarriak. Irudiarekiko eta gorpuztasunarekiko erlazioa aztertzen dute gorputzaren ausentziaren edo bere inplikazioaren bidez: aulki batek eserita dagoen pertsona bat eskatzen du, eta hilkutxa gure azken egoitza fisikoa da. Objektu horiekiko erlazioan neurtzen gara. Pieza hauen miniaturazko errepresentazioek eskultura tradizionalaren monumentaltasunari buruz ditugun ideiak zalantzan jartzen dituzte. Oso tamaina txikikoak izan arren, obra hauek tristezia, bakardadea eta nostalgia bezalako emozio sakonak adierazteko gai dira. Elementu generiko hauek aipatutako objektuen kopuru eta aniztasun izugarriaren erakusgarri dira eta ikusleak adimenean sortzen duen imajinaren eta bere esperientzia zuzenaren bateratzea adierazten dute.