Clemente
Hileta-pintura. 1987, tenpera linu gainean
Hil-oihal zuria. 1985, 8 orri askez osatutako liburua, tintaz, arkatzez eta akuarelaz egina, Fabriano erako paperean
Iruzkinak
Nire baitako iluntasuna. 1988, pigmentua eta urrezko xafla
- Izenburua:
- Nire baitako iluntasuna. 1988, pigmentua eta urrezko xafla
- Erakusketa:
- Clemente
- Gaiak:
- Artea eta historia | Eragin artistikoa | Sorkuntza artistikoa | Materiala
- Mugimendu artistikoak:
- Arte Figuratiboa | Arte Garaikidea
- Artelan motak:
- Pintura
- Aipatutako artistak:
- Clemente, Francesco
Lauren Hutton:
Nire baitako iluntasuna Urrezko Pinturak izeneko 12 lanez osatutako seriekoa dugu. Seriearen izena urrezko xaflak erabiltzeari zor zaio, eta erakusketa honetan hamabi lan horien arteko hiru ditugu ikusgai. Urre eta terrakota koloreek Etruriako hilobietan aurkitutako altxor eta estatuak dakarzkigute gogora. Etruskoek ‑erromatarren aurreko herria‑ lorpen handiak izan zituzten artean, erlijioan eta arlo militarrean, eta lorpen haiek eragin handia izan zuten Erroman bertan.
Francesco Napolin jaio zen, familia ohoragarri baten baitan, eta buru-belarri murgildu zen zibilizazio klasikoen ikasketan. Haren ustez, antzinateko tramankuluak ez dira urrutiko iraganaldi bateko hondar zaharkituak, oraindik orain, gaur egungo munduan bizirik dirauten ideia eta jarreren lekukoak baizik.
Pieza honi kutsu heraldiko eta militar berezia dario ‑urrezko xingolak armarri bateko blasoiak izan litezke, eta begi zurien ingeradak mozorro bat itxuratzen du. Baina Francescoren erreferentzia klasikoetan, ohiko alderdi jostagarria antzeman daiteke beti bezala. Ba al da zalantza adierazpenik begi-nini ñimiño horietan? Eta sudurtxo horren azpian agertzen den galde-ikurraren itxurako ahoak “Nor naiz?” galdetzeko zorian dagoela dirudi.