Clemente
Francesco Clemente lankidetzari buruz hitz egiten
Zisnea. 1997, olio-pintura olan gainean
Iruzkinak
Pinturen ama. 1995, tenpera linu gainean
- Izenburua:
- Pinturen ama. 1995, tenpera linu gainean
- Erakusketa:
- Clemente
- Gaiak:
- Sorkuntza artistikoa
- Teknikak:
- Tenpera
- Artelan motak:
- Pintura
- Aipatutako artistak:
- Clemente, Francesco
Erakusketako atal honi Zerua izena eman diogu. Clemente-rentzat sorkuntzaren mugagabetasunera zabaltzen den irekiune batez gain, jatorrirako itzulera ere esan nahi du, honaino ekarri gaituen bidaiaren gaineko atzeranzko begirada alegia.
1995ean margotutako horma-irudi handi honetan aurreko lanei buruzko erreferentzia ugari ikus ditzakegu. Eskuinean, buru bat zapaltzen ageri den oinak gorputz‑atal berrantolatuei buruzko estudio ugari dakarzkigu gogora.
Erdiko zirkulu gorriak bere loreen serieko pastel koloreko arrosak gogorarazten dizkigu, ala planeta bat irudikatzen al du –Martitz planeta gorria, agian– espazioko zeru beltz izarreztatuan zintzilik? Koadro honetako anbiguotasunak erakusten digu Clementeren irudiak ez direla inoiz egonkorrak, baina bai ordea beste zerbait bilakatzeko gai.
Ezkerretan etzanda ageri den irudi bat –ala bi irudi dira bat eginik?– zutabe korintiar baten zati batez osatutako paisaje baten azpian dago atseden hartzen. Zutabe hau antzinate klasikoaren ezaugarri dugu, eta azpimarratzekoa da garai hark gure artistaren hezkuntza formalean izandako garrantzi handia.
Artista gisa osagabetasunari heldu dio Clementek, berez osagabea den mundu bati eman dakiokeen erantzun bakarra delakoan. Hemen, hain desberdinak diren irudi hauetan, irudi horiek lotzen dituen haria aurkitzen du, bere sormenaren ikono gisa besterik ez bada ere.