Clemente
Nire baitako iluntasuna. 1988, pigmentua eta urrezko xafla
Francesco Clemente poesia, pintura eta arteei buruz hitz egiten
Iruzkinak
Hil-oihal zuria. 1985, 8 orri askez osatutako liburua, tintaz, arkatzez eta akuarelaz egina, Fabriano erako paperean
- Izenburua:
- Hil-oihal zuria. 1985, 8 orri askez osatutako liburua, tintaz, arkatzez eta akuarelaz egina, Fabriano erako paperean
- Erakusketa:
- Clemente
- Gaiak:
- Artea eta literatura | Artea eta emozioa | Sorkuntza artistikoa | Sinbologia | Poesia | Allen Ginsberg
- Artelan motak:
- Pintura
- Aipatutako artistak:
- Clemente, Francesco
Hil-oihal zuria izeneko liburu irudiztatu hau Clemente-ren eta Allen Ginsberg poetaren arteko elkarlana da. Pintoreak poesiarekiko interes handia izan du gazte‑gaztetandik, eta 12 urte zituenean, esaterako, bere olerkiak biltzen zituen liburuska bat argitaratu zuen bere amak, Clementeren gogoz kontra egin ere.
Beat garaiko idazleak ditu gogokoen, —Ginsberg, Gregory Corso eta Jack Kerouac adibidez, azken hau Indiarekiko grina sutsua zuena Clemente bezala— eta oso kuttuna du, halaber, William Blake-ren poesia ameslaria.
Francescok eta Ginsbergek 1983ko martxoan ezagutu zuten elkar, Manhattango jatetxe batean. Biharamunean, estudiora joan zitzaion poeta eta Hil-oihal zuria lantzeari ekin zioten berehala. Hauxe izango zen bien arteko elkarlan oparoaren lehen fruitua.
Testua Ginsbergek eskuz idatzi zuen pintura sortu aurretik. Poetak amets bat irudikatzen du testu horretan: aspaldi hil zitzaion ama aurkituko du, Bronxeko kaleetan eskean. Clementeren irudien bidez, irudi mutanteen alegiazko mundu bat gehituko du galera eta adiskidetzea irudikatzen dituen amets honetan. Gure artistaren irudian ukitu sinboliko ugari agertzen dira, baina aldi berean esanahi laburrak aditzera emateko arinegiak direnak.