Artearen historia guztiak: Vienako Kunsthistorisches Museum-a
Lorenzo Lotto: Urregile baten hiru ikuspegi (1525/1535 g.g.b.)
Tiziano Vecellio: Benedetto Varchi (1540 g.g.b.)
Iruzkinak
Jacopo Robusti, Tintoretto goitizenez ezaguna: Bizar zuridun gizona (1570 g.g.b.)
- Izenburua:
- Jacopo Robusti, Tintoretto goitizenez ezaguna: Bizar zuridun gizona (1570 g.g.b.)
- Erakusketa:
- Artearen historia guztiak: Vienako Kunsthistorisches Museum-a
- Gaiak:
- Artea eta literatura | Artea eta psikologia | Artearen historia | Sorkuntza artistikoa | Kolorea | Bitxiak | Jantziak | Erretratua eta autorretratua | Eskola veneziarra | Kunsthistorisches Museum | Italia | Komedia | Thomas Bernhard | Klase sozialak | Aristokrazia
- Mugimendu artistikoak:
- Errenazimentua
- Artelan motak:
- Pintura
- Aipatutako artistak:
- Tintoretto, | Tiziano,
Tintoretto-ren erretratu bikain eta fin baten aurrean gaude, Jacopo Robusti izanik haren benetako izena. Goitizen hori zeta-tindatzaile baten seme izateagatik datorkio. Tiziano-rekin batera, Eskola veneziarreko maisu handienetako bat izan zen Italiako Errenazimentuan. Aparteko erretratugilea izan zen Tintoretto, eta egin zituen erretratuek garrantzi handia dute bere obran; izan ere, pertsona errealen erretratuak gehitzeko ohitura zuen bere pintura erlijiosoan.
Hemen, soslaiez agertzen den gizon baten erretratuaren aurrean gaude, ikusleari begira dagoela. Leporaino lotuta duen gorri koloreko belusezko jakaren gainean, gizonak mantu beltz bat du, lepo aldean, sorbaldetan, besokoetan eta eskumuturretan marroi koloreko larruzko zerrenda batekin apaindua. Artistak ez du inolako aztarrenik ematen modeloaren identitateari buruz, janzkera ikusita, ordea, noblea dela ematen du.
Fisonomia ez ezik, pertsonaiaren ezaugarri psikologikoak erreproduzitzeko gaitasun handia zuen Tintorettok. Hemen, ondo bereiziten da pertsonaia hondotik, aurpegia eta ezkerreko eskua, eraztun bat ikusten zaion eskua, nabarmentzen dituen argiari esker. Konposizioaren kolore-orban bakarrak larruazalaren urre koloreko isla eta jakaren isla gorrixkak dira. Bizarraren eta ilearen kolore zuri-zuria kontrastean dago keinu baketsua eta erreserbatua erakusten ari den gizonaren gazte-antzeko aurpegiarekin. Erretratuaren kromatismo faltak eta xehetasunik ezak eraginda, arreta guztia pertsonaiaren aurpegian jartzea lortzen du pintoreak.
Behinola, bere iritziz zeintzuk ziren kolore onenak galdetu zioten Tintorettori. Kolore zuria eta beltza zirela erantzun zuen pintoreak, batek modeloari indarra ematen ziolako itzalek sortzen zuten sakoneragatik, eta besteak erliebearen bidez ematen zion handitasunagatik.
Thomas Bernhard (1931-1989), poeta, antzerkigile eta nobelista austriarra, Maisu zaharrak (ingelesez Old masters, a comedy) komedia idatzi zuen 1985ean eta honako istorio honetan oinarritu zuen: batez ere obra hau ikusteko, 36 urtez, txandakatutako egunetan, Kunsthistorisches Museum-era pertsonaia nagusiak egindako bisitaldietan.