Artearen historia guztiak: Vienako Kunsthistorisches Museum-a
Paisaiari buruzko sarrera
Thomas Gainsborough: Suffolkeko paisaia (1749 g.g.b.)
Iruzkinak
Joachim Patinier: Santa Katalinaren martirioa (1515. urtearen aurretik)
- Izenburua:
- Joachim Patinier: Santa Katalinaren martirioa (1515. urtearen aurretik)
- Erakusketa:
- Artearen historia guztiak: Vienako Kunsthistorisches Museum-a
- Gaiak:
- Artearen historia | Sorkuntza artistikoa | Perspektiba | Sinbologia | Tamaina | Erlijio-margoa | Paisaia | Ingurunea eta natura | Flandes | Santa Katalina
- Artelan motak:
- Pintura
- Aipatutako artistak:
- Durero, Alberto | Patinir, Joachim
Portualdeko hiri bateko paisaia baten aurrean gaude, eta gotorlekuak, ibaia eta ontziak ikus daitezke bertan. Behatzaileak goialdetik begiratzen du, itsasoko ortzemugaren altuera beretik.
Paisaiak Santa Katalinaren martirioa irudikatzen duen eszena bat aurkezten digu: kondairaren arabera, laban-puntak sartuta zituzten gurpil batzuekin martirizatu behar zuten santu hau. Baina halako pairamenik jasan aurretik, Jainkoaren aingeruak etorri zitzaizkion laguntzera, gurpilak hautsiz eta borreroak azpiratuz. Momentu hau da pintoreak hemen aditzera ematen diguna: Katalina exekutatzeko erabili behar zuten gurpila lehertu egiten du ezpatez armatuta eszenaren gainetik agertzen den aingeruak. Soldaduak eta behatzaileak izututa doaz ihesi mendian behera.
Konposizio narratiboa da eta santuaren bizitzaren aurreko pasadizo bat biltzen du koadroaren ezkerraldera, plano ertainean: bertan agertzen den sua Katalinak fededun bihurtu zituen 50 filosofoen errekuntzaren alusio bat da. Erdiko eraikina Salomonen Tenpluaren erreferentzia da, Jerusalemgo betiereko salbazio promesaren sinboloa, alegia.
Koadroaren egilea Joachim Patinier flandestarra da, Patinir ere deitutakoa. Paisaiak irudikatzeko zuen gaitasun handiagatik nabarmendu zen, paisaiari lehendik izan ez zuen protagonismoa emanez. Egundokoak dira hark jasotzen dituen ikuspegiak, eta irudipenezko goitiko bista batetik behatuta daude ia beti, kasu honetan adibidez. Gainera, paisaiaren ikuspegi naturalista eta gai lirikoak edo erlijiosoak jasotzen dituzten eszenak konbinatu ohi dituzte. Hala, handitasun horren eraginez, irudi txikiek, askotan beste artista batzuek margotutakoek, txikiagoak ematen dute oraindik.
Obra ugari omen dira bereak, baina bost pintura besterik ez daude Patinirren izenpearekin. Durero-ren lagun handia zen eta, paisaia-generoaren aitzindari izateaz gainera, batik bat paisajistatzat hartutako aurreneko pintore flandestarra izan zen bera.