Artearen historia guztiak: Vienako Kunsthistorisches Museum-a
Historiari, Mitologiari eta Erlijioari burruzko sarrera
Peter Paul Rubens: Magdalena penitentea eta bere ahizpa Marta (1620 g.g.b.)
Iruzkinak
Peter Paul Rubens: Jesus hilaren aurreko erosta (1614)
- Izenburua:
- Peter Paul Rubens: Jesus hilaren aurreko erosta (1614)
- Erakusketa:
- Artearen historia guztiak: Vienako Kunsthistorisches Museum-a
- Gaiak:
- Heriotza | Artea eta erlijioa | Artea eta emozioa | Artearen historia | Sorkuntza artistikoa | Erlijio-margoa | Katolizismoa | Sinbolismo erijiosoa | Historia | Hamabi urteko Tregoa | Kontrarreforma | Anberes | Isabel Klara Eugenia artxidukesa | Jesukristo
- Mugimendu artistikoak:
- Barrokoa
- Artelan motak:
- Pintura
- Aipatutako artistak:
- Rubens, Peter Paul
Jesus hilaren aurreko erosta hau Peter Paul Rubens pintore flandestarrarena da, Erdiko Europako barrokoan izan zen maisu handienetakoarena.
Hemen, Rubensek erostaren eszena irudikatu duen modua bat dator gai honen inguruko ohiko ikonografiarekin, irudi bat baino gehiago barne hartzen baititu. Adibide honetan, Jesusen hilotza gari-azaoa batzuen (Jesusen heriotzaren esanahi eukaristikoaren erreferentzia gisa) eta hil-oihalaren gainean dago etzanda; gorputz-enborra Mariak eusten dio, semeari begiak leunki ixten dizkion bitartean. Ezkerraldean, Maria Magdalenak ilea laztantzen dio oinaze keinua erakutsiz; Jesukristoren beso grisaxka, magalaren gainean ezarria, nabarmen bereizten da Maria Magdalenaren larruazal zuri-gorriarekin. Mariaren eskuinetara, tunika gorrixka batez jantzita, Joan agertzen da Ama Birjina kontsolatzen. Urrutiago, eskuinetara, beste hiru Mariek osatutako taldea ikus daiteke, oinaze-keinu desberdinekin irudikatuta. Atzealdean, hilobiaren haitzuloa antzeman daiteke; behean, ezkerraldera, azpil bat dago esponjarekin eta, aurrean, arantzazko koroa eta odoleztatutako lau iltzeak, Jesus gurutziltzatzeko erabilitakoak.
Xeheki eta arreta handiz egina, pintura hau, gertutik ikusi eta bakardadean gurtza egiteko sortu zela uste izan da, bidaian eramateko aldaretxo gisa beharbada. Ikonografia erlijiosoa, kaperetan eta elizetan jendartean beneratzeko nahiz bakardadean gurtzeko sortua, Anberesen gehien produzitzen zen artea zen, aldea handia zela. Kontrarreformak bizitasuna eman zion XVII. mendeko giro kulturalari eta intelektualari. Gobernu katoliko espainiarraren eta protestante holandesaren arteko garai asaldatuek bi ikonoklasia bolada sorrarazi zuten (1566. urtean eta 1581 eta 1582 urte bitartean) eta Anberesko eliza eta monastegi ugariren suntsipena ekarri zuten. Isabel Klara Eugenia artxidukesaren mezenasgoaren pean, katolizismoa berriro egokitzeari ekin zitzaion 1609an Hamabi Urteko Tregua sinatu ondoren. Eta estilo barrokoa, arranditasun, oparotasun eta gehiegizko apaingarriengatik bereizten dena, bat zetorren Eliza garailearen izaerarekin.