Robert Rauschenberg: atzera begirakoa
De Kooning-en marrazki ezabatua, 1953
Minutiae, 1954
Iruzkinak
De Kooning-i buruzko azalpena
- Izenburua:
- De Kooning-i buruzko azalpena
- Erakusketa:
- Robert Rauschenberg: atzera begirakoa
- Gaiak:
- Sorkuntza artistikoa | Materiala | Willem de Kooning
- Teknikak:
- Marrazkia
Ez du inork sinesten oraindik, baina borratuz marrazki bat egin ote zitekeen jakin nahi nuelako bururatu zitzaidan ideia hori. Bill-engana joan nintzen eta horretan lanean asteak eman nituela esan nion, hau da, borragoma marrazki-tresna gisa erabiltzen. Nire marrazkiekin saiatu nintzen baina alferrik, nire asmoaren ehuneko berrogeita hamarra bakarrik lortu bai nuen. Ehuneko ehunean artea zen zerbaitekin hasi behar nuen, nireak beharbada ez baitzuen horrelakorik betetzen; baina bere lana artea zen zalantzarik gabe, kalitateari eta errekonozimenduari zegokienez ordura arte behintzat irudirik argiena bera baitzen. Ezin nituen berari lapurtutako marrazkiak erabili, prozesuan bere lankidetza behar nuelako. Ideia ulertzen zuela esan zidan, baina ez zitzaion gehiegi gustatu. Baina, azkenik, laguntzeko konforme zegoen. Bere marrazkien karpeta ugari zituen, eta lehenengoa hartu eta begira hasi zenean, hauxe esan zuen: "Ez, hauetako edozein faltan botako nuke benetan". Beste karpeta bat hartu zuen, baina bukatu gabeko marrazkiak ziren, gehiago landu nahi zituen marrazkiak, hain zuzen. Hirugarren karpeta hartu eta benetan zaila zen zerbait emango zidala esan zidan, eta halaxe izan zen. Trazu lodi batez egindako marrazki bat zen, eta gainera arkatz koipetsua eta, tinta, eta kolorezko lapitz lodiak erabili zituen. Hilabete behar izan nuen, baita berrogei bat borragoma ere. Baina azkenean benetan nahi nuena lortu nuen. Emaitzarekin gustora geratu nintzen. Arte-lan legitimo bat zela iruditzen zitzaidan, borraketa-teknika erabiliz sortua. Beraz arazoa konpondua zegoen, eta ez nuen berriro egin beharrik izan.