Robert Rauschenberg: atzera begirakoa
Bizikleta biblikoa (Borealis), 1991
Liskarra (Arkadiako erretiroa), 1996
Iruzkinak
Katea-erreakzioa (Anagrama), 1996
- Izenburua:
- Katea-erreakzioa (Anagrama), 1996
- Erakusketa:
- Robert Rauschenberg: atzera begirakoa
- Gaiak:
- Artea eta teknologia | Esperimentazio artistikoa | Sorkuntza artistikoa | Kolorea | Lan-prozesua | Materiala | Ingurunea | Jasangarritasuna
- Artelan motak:
- Inprimaketa
- Aipatutako artistak:
- Rauschenberg, Robert
1996an egindako lan honen izenburua Katea-erreakzioa da, arrazoia nabarmena izanik. Xehetasunen artean —Rauschenberg-ek berak egindako argazkietatik atereak— aterkiak, eraikinak, bi musen eskultura barrokoak, eta hormirudi zaharren egindura zakarra ikus ditzakegu, eta tartean burdinazko kate baten zatia. Behealdean, eskuinetara ikusiko duzu.
Katea-erreakzioa Anagramak seriekoa da, eta irudi desberdinen arteko ezkutuko loturak aurkitzera gonbidatzen du ikuslea, ordena desberdinetan antolatuta dauden letra berak osatuz, esanahi desberdina duten hitzen arteko loturak bilatzen arituko bagina bezala. Rauschenbergen lanean hain sarritan antzeman daitekeenez, hemen izenburua eta irudia bezain bitxia da teknika. Nola lortu zituen hain kolore eta tonu sotilak, hain efektu likido eta zeharrargiak?
Azken 50 urteetan zehar, Rauschenbergek etengabeko esperimentuak egin ditu materialekin, irudiak gainazal batetik bestera transferitzeko ohiz kanpoko modu berrien bila. Hemen erabilitako prozesua teknologia berrian dago oinarritua. Lehenik, Rauschenbergek bere argazkien inpresio digitalak egiten ditu, bereizmen handikoak. Emultsio batean sortzen diren aldaketa kimikoetan oinarritutako kolorezko inpresio konbentzionaletan ez bezala, honako hauetan paperaren gainazalean geratzen diren tinta begetalak erabiltzen dira. Orduan, inpresioak arte-lanaren gainazalera transferi daitezke, disolbatzaile kimikoen ordez ura erabiliz. Rauschenbergek asko atsegin du prozesu hau, izan ere, efektu sotilagoak lortzeko aukera eskaintzeaz gain, disolbatzaile kimikorik behar ez duelako, ingurugiroari hainbeste kalterik egiten ez diolako, alegia.
Katea-erreakzioa lanean, beste Anagrama batzuetan bezala, irudiak paper-zati handietara transferitu zituen, prentsa baten ordez presioa aldatzea eta, beraz, irudiaren indarra azalera batetik bestera aldatzea ahalbidetzen zion eskuzko espatula bat erabiliz. Eskuzko teknika hau ia hogeita hamar urte lehenago erabili zuen bere Pintura serigrafiatuetan.