Robert Rauschenberg: atzera begirakoa
Aurkibidea (Belauntzia), 1975
Regilar egunkariaren gehiegitasunak, 1986
Iruzkinak
Eguzki tribuna Jr. (Eremuak), 1978
- Izenburua:
- Eguzki tribuna Jr. (Eremuak), 1978
- Erakusketa:
- Robert Rauschenberg: atzera begirakoa
- Gaiak:
- Ibilbide artistikoa | Sorkuntza artistikoa | Materiala | Tamaina | Erakusketak
Lan handi honek, metalezko kuboak, argi elektrikoak, kolorezko ispiludun metakrilatoa, oihala, eta argazkietako irudi transferituak barne direla, Rauschenberg-en hasierako lanak gogora ekartzen dizkigu. Baina neurri batean nahiko bereizten da haietatik.
Konparatuz gero, diziplinatua eta garbia dirudi. Euskarriaren formak eta aurrealdeko hiru oinarri gisako proiekzioak erregularrak eta ertz zorrotzekoak dira. Argazkietako batzuk gehiegizko esposizioan egon dira, eta koloreak gehienetan ertz zorrotzeko azalera laukizuzenetara mugatuak daude. Hemen ez da hasierako lanetako keinu bidezko pintzelkada espresiborik antzematen.
1978tik aurrera datatua, eraikuntza hau —Eguzki tribuna Jr. izenekoa— Rauschenberg bere hasierako metodo eta materialetara itzultzen eta bere irudi kuttunenak berriro erabiltzen aritu zen garaikoa da, bere lanean ia irudirik txertatzen ez zuen aldiaren ondoren. Aldaketa hori, atzeraldi baten emaitza bat baino gehiago sendotze-aldi batena izanik, ordura arte egin zuen ibilbide guztia aztertzean sortu zen, hain zuzen ere 1976an Washington DC-n antolatutako bere lanaren atzera begirakoa bati esker.
Eguzki tribuna Jr. lana Eremuak izena duen seriekoa da, Amerikako mendebaldeko estatuetan, adibidez bere jaioterria den Texasen, lursailei ematen zaien izena izanik. Eremuak hitzak, gainera, seriea osatzen duten lan guztietan oihalez estalitako euskarri handiak deskribatzen ditu.