Robert Rauschenberg: atzera begirakoa
Zotina, 1978
Elba zu ikusi baino lehen gai nintzen II, 1985
Iruzkinak
Horma-urmaela / ROCI Mexiko, 1985
- Izenburua:
- Horma-urmaela / ROCI Mexiko, 1985
- Erakusketa:
- Robert Rauschenberg: atzera begirakoa
- Gaiak:
- Artea eta politika | Ibilbide artistikoa | Sorkuntza artistikoa | Kolorea | Materiala | Erakusketak | Lankidetza artistikoa | Mexiko | Herri-kultura
- Artelan motak:
- Inprimaketa
- Aipatutako artistak:
- Rauschenberg, Robert
Rauschenberg-en kezka nagusietako bat gutxien esperotako materialean, jende gehienak arreta jartzen ez duen horretan edertasuna bilatzea da. Hemen, Mexikoko irin-poltsetan inprimatutako kolore biziko motiboak eta testua ikus ditzakezu, 1984an bertara egin zuen bidaiaren ondoren, urte bete beranduago egina.
Garai hartako lanak, Rauschenbergek tradizio bereziak zituzten atzerriko herrietako artean eta kulturan jarria zuen interesaren erakusgarriak baino gehiago dira. Batere ohikoa ez zen giza proiektu baten zati bat osatzen zuten, kultur trukea, elkar ulertzea eta, beraz, munduan bakea bultzatzea helburu izanik.
Proiektuak, lan honen izenburuak dioen bezala, ROCI izena zuen, hau da, "Rauschenberg Overseas Culture Interchange"-ren laburdura, artistak atzerriko herriekin izandako kultur trukea esan nahi duena. ROCI herri askotan antolatutako erakusketa ibiltaria izan zen. Herri horietako gehienak indarrean zegoen mendebaldeko artearen korronte nagusitik kanpo zeuden eta erregimen totalitarioen edo antidemokratikoen pean bizi ziren. Herri horietako bakoitzean, Rauschenbergek jatorrizko materialak bildu eta tokiko arte-tradizioetatik ikasi zuen, lan berrietako batzuk sortzeko gerora erabiliko zituenak.
1984tik 1991ra bitartean, Estatu Batuetako gobernutik eta sektore pribatutik inolako dirulaguntzarik jaso gabe —eta proiektuaren kostu gehiena bere gain hartuz—, Rauschenberg bere laguntzaileekin batera Mexikora, Txilera, Venezuelara, Txinara, Tibetera, Japoniara, Kubara, Sobietar Batasunera, Alemaniara eta Malaysiara joan zen. Rauschenbergek behin esan zuenez, bere asmoa ez zen mundua erreformatzea, bertan bizitzea baizik, eta bere jarrera hura nabarmendu egin zen denborak aurrera egin ahala. ROCI proiektuak ingurugiroarekiko eta politikarekiko artistak izan duen interes handia erakusten digu gainera.