Robert Rauschenberg: atzera begirakoa
Elba zu ikusi baino lehen gai nintzen II, 1985
Bizikleta biblikoa (Borealis), 1991
Iruzkinak
Teknikei buruzko azalpena
- Izenburua:
- Teknikei buruzko azalpena
- Erakusketa:
- Robert Rauschenberg: atzera begirakoa
- Gaiak:
- Eragin artistikoa | Esperimentazio artistikoa | Sorkuntza artistikoa | Materiala | Japonia | Napoleon Bonaparte | Herri-kultura
- Artelan motak:
- Artisautza | Inprimaketa
- Aipatutako artistak:
- Rauschenberg, Robert
Rauschenberg-ek ez dio inoiz ohi kanpoko materialekin esperimentuak egiteari utzi, bere eskuetara iristen den ia edozer gauzarekin artea eginez. Arrazoi horregatik munduan zehar ibili da artea egiteko tokiko praktikak ikastearren. 1982an Japoniara joan zenean, Rauschenbergek artisauekin lan egin zuen, Osakatik gertu zegoen zeramika-fabrika handi batean. Bertan, adibidez tearen zeremonian erabiltzen diren ontziak esmaltatu eta egosteko erabiltzen diren teknikak ikasi zituen.
Enpresak metodo iraultzaile bat garatu berria zuen zeramikazko panel fin-finak eta handiak irudiekin dekoratzeko, labeetan urtuz, eta erabat iragazkaitz eta tinko itsatsita utziz. Prozesu harekin harrituta, eta teknikaren ahalbideak frogatzeko irrikitan, Rauschenbergek irudi-serie handi bat sortu zuen Japoniar buztingintza atsegingarria izena eman ziona. Adibide bat Napoleonen irudi hau da. Enpresak panelak dekoratzeko irudi transferituen artxibo bat bildu zuen, eta Rauschenbergek maisu zaharren koadroetakoak aukeratu zituen. Gero, bere irudi transferituak gehitu zituen, eta pinturaren ordez esmaltea erabili zuen azaleretan. Irudiaren eta teknikaren sintesi hori, izan ere, tipikoa da Rauschenbergen lanean.