Robert Rauschenberg: atzera begirakoa
Soinuak, 1986
Titulurik gabea [pintura beltz satinatua], gutxi gorabehera 1951
Iruzkinak
Titulurik gabea, gutxi gorabehera 1950
- Izenburua:
- Titulurik gabea, gutxi gorabehera 1950
- Erakusketa:
- Robert Rauschenberg: atzera begirakoa
- Gaiak:
- Ibilbide artistikoa | Sorkuntza artistikoa | Lan-prozesua | Lankidetza artistikoa | Black Mountain College | Académie Julian | Susan Weil
- Artelan motak:
- Argazkia
- Aipatutako artistak:
- Rauschenberg, Robert
Tamaina naturaleko emakumezko irudia, antza denez makulu bati eutsita haize leunak gona gardena hartu dion bitartean, argazki antzeko bat da. Rauschenberg-ek eta Susan Weil-ek, garai hartan bere emaztea zenak, 1950ean egin zuten lan hau, paper urdin fotosentikor handi batez baliatuz —arkitektoek planoak egiteko erabiltzen dituzten horietakoak—. Susan Weilek bere burua paperaren kontra eta eguzki-lanpara baten pean jarri zuen, errebelatu ondoren, irudi ikusgarri hau sortzeko.
Susan Weilek haurtzaroan eginak zituen esperimentuak teknika honen bidez, eta Rauschenbergekin batera, giza irudien imajinak sortzeko ez ezik objektu naturalak eta manufakturatuak egiteko ere erabili zuen. Hain bitxiak eta erakargarriak ziren irudi haiek ikusita, Life aldizkariak Rauschenbergi buruzko artikulu bat idatzi zuen, eta, 1951ko udaberrian, Arte Modernoaren Museoak paper fotosentikor horietako bat argazki-erakusketa baterako aukeratu zuen.
Rauschenbergek 1948an ezagutu zuen Parisen Susan Weil. Biak Académie Julian delakoan ari ziren artea ikasten, eta urte berean elkarrekin Estatu Batuetara itzultzea erabaki zuten, ikasketak Ipar Carolinako Black Mountain College-n jarraitzeko asmotan. Arte-eskola hark ikasleei askatasun handia ematen zitzaielako hartu zuen fama. Rauschenbergek bertan izandako esperientziak eragin handia izango zuen gerora bere artean eta ideietan. Weilerekin batera New Yorkera joan ondoren, non, biak "Art Students League / Arte Ikasleen Elkartea" delakoan sartu ziren, Rauschenbergek hurrengo bi urteetan eskolak hartzen jarraitu zuen Black Mountainen.
Ikasle zenetik, Rauschenbergek interes bera erakutsi zuen argazkiarekiko nahiz pinturarekiko, eta serio planteatu zuen argazkira erabat dedikatzea. Black Mountain Collegen argazki ugari egin zituen, guztietan gai mundutarrei lehentasuna emanez. Atzera begirako honetan zehar, konturatuko zara argazkietako irudiak zein neurritaraino diren funtsezkoak Rauschenbergentzat, eta baita zein modutan erabiltzen dituen berez objektu gisa eta baliabide gisa.